चौपाई
असि रघुपति लीला उरगारी। दनुज बिमोहनि जन सुखकारी।।
जे मति मलिन बिषयबस कामी। प्रभु मोह धरहिं इमि स्वामी।।
नयन दोष जा कहँ जब होई। पीत बरन ससि कहुँ कह सोई।।
जब जेहि दिसि भ्रम होइ खगेसा। सो कह पच्छिम उयउ दिनेसा।।
नौकारूढ़ चलत जग देखा। अचल मोह बस आपुहि लेखा।।
बालक भ्रमहिं न भ्रमहिं गृहादीं। कहहिं परस्पर मिथ्याबादी।।
हरि बिषइक अस मोह बिहंगा। सपनेहुँ नहिं अग्यान प्रसंगा।।
मायाबस मतिमंद अभागी। हृदयँ जमनिका बहुबिधि लागी।।
ते सठ हठ बस संसय करहीं। निज अग्यान राम पर धरहीं।।
चौपाई
सुनु खगेस रघुपति प्रभुताई। कहउँ जथामति कथा सुहाई।।
जेहि बिधि मोह भयउ प्रभु मोही। सोउ सब कथा सुनावउँ तोही।।
राम कृपा भाजन तुम्ह ताता। हरि गुन प्रीति मोहि सुखदाता।।
ताते नहिं कछु तुम्हहिं दुरावउँ। परम रहस्य मनोहर गावउँ।।
सुनहु राम कर सहज सुभाऊ। जन अभिमान न राखहिं काऊ।।
संसृत मूल सूलप्रद नाना। सकल सोक दायक अभिमाना।।
ताते करहिं कृपानिधि दूरी। सेवक पर ममता अति भूरी।।
जिमि सिसु तन ब्रन होइ गोसाई। मातु चिराव कठिन की नाईं।।
चौपाई
asi raghupati līlā uragārī. danuja bimōhani jana sukhakārī..
jē mati malina biṣayabasa kāmī. prabhu mōha dharahiṃ imi svāmī..
nayana dōṣa jā kahaom jaba hōī. pīta barana sasi kahuom kaha sōī..
jaba jēhi disi bhrama hōi khagēsā. sō kaha pacchima uyau dinēsā..
naukārūḍha calata jaga dēkhā. acala mōha basa āpuhi lēkhā..
bālaka bhramahiṃ na bhramahiṃ gṛhādīṃ. kahahiṃ paraspara mithyābādī..
hari biṣaika asa mōha bihaṃgā. sapanēhuom nahiṃ agyāna prasaṃgā..
māyābasa matimaṃda abhāgī. hṛdayaom jamanikā bahubidhi lāgī..
tē saṭha haṭha basa saṃsaya karahīṃ. nija agyāna rāma para dharahīṃ..
चौपाई
sunu khagēsa raghupati prabhutāī. kahauom jathāmati kathā suhāī..
jēhi bidhi mōha bhayau prabhu mōhī. sōu saba kathā sunāvauom tōhī..
rāma kṛpā bhājana tumha tātā. hari guna prīti mōhi sukhadātā..
tātē nahiṃ kachu tumhahiṃ durāvauom. parama rahasya manōhara gāvauom..
sunahu rāma kara sahaja subhāū. jana abhimāna na rākhahiṃ kāū..
saṃsṛta mūla sūlaprada nānā. sakala sōka dāyaka abhimānā..
tātē karahiṃ kṛpānidhi dūrī. sēvaka para mamatā ati bhūrī..
jimi sisu tana brana hōi gōsāī. mātu cirāva kaṭhina kī nāīṃ..
