चौपाई
गुन कृत सन्यपात नहिं केही। कोउ न मान मद तजेउ निबेही।।
जोबन ज्वर केहि नहिं बलकावा। ममता केहि कर जस न नसावा।।
मच्छर काहि कलंक न लावा। काहि न सोक समीर डोलावा।।
चिंता साँपिनि को नहिं खाया। को जग जाहि न ब्यापी माया।।
कीट मनोरथ दारु सरीरा। जेहि न लाग घुन को अस धीरा।।
सुत बित लोक ईषना तीनी। केहि के मति इन्ह कृत न मलीनी।।
यह सब माया कर परिवारा। प्रबल अमिति को बरनै पारा।।
सिव चतुरानन जाहि डेराहीं। अपर जीव केहि लेखे माहीं।।
चौपाई
जो माया सब जगहि नचावा। जासु चरित लखि काहुँ न पावा।।
सोइ प्रभु भ्रू बिलास खगराजा। नाच नटी इव सहित समाजा।।
सोइ सच्चिदानंद घन रामा। अज बिग्यान रूपो बल धामा।।
ब्यापक ब्याप्य अखंड अनंता। अखिल अमोघसक्ति भगवंता।।
अगुन अदभ्र गिरा गोतीता। सबदरसी अनवद्य अजीता।।
निर्मम निराकार निरमोहा। नित्य निरंजन सुख संदोहा।।
प्रकृति पार प्रभु सब उर बासी। ब्रह्म निरीह बिरज अबिनासी।।
इहाँ मोह कर कारन नाहीं। रबि सन्मुख तम कबहुँ कि जाहीं।।
चौपाई
guna kṛta sanyapāta nahiṃ kēhī. kōu na māna mada tajēu nibēhī..
jōbana jvara kēhi nahiṃ balakāvā. mamatā kēhi kara jasa na nasāvā..
macchara kāhi kalaṃka na lāvā. kāhi na sōka samīra ḍōlāvā..
ciṃtā sāompini kō nahiṃ khāyā. kō jaga jāhi na byāpī māyā..
kīṭa manōratha dāru sarīrā. jēhi na lāga ghuna kō asa dhīrā..
suta bita lōka īṣanā tīnī. kēhi kē mati inha kṛta na malīnī..
yaha saba māyā kara parivārā. prabala amiti kō baranai pārā..
siva caturānana jāhi ḍērāhīṃ. apara jīva kēhi lēkhē māhīṃ..
चौपाई
jō māyā saba jagahi nacāvā. jāsu carita lakhi kāhuom na pāvā..
sōi prabhu bhrū bilāsa khagarājā. nāca naṭī iva sahita samājā..
sōi saccidānaṃda ghana rāmā. aja bigyāna rūpō bala dhāmā..
byāpaka byāpya akhaṃḍa anaṃtā. akhila amōghasakti bhagavaṃtā..
aguna adabhra girā gōtītā. sabadarasī anavadya ajītā..
nirmama nirākāra niramōhā. nitya niraṃjana sukha saṃdōhā..
prakṛti pāra prabhu saba ura bāsī. brahma nirīha biraja abināsī..
ihāom mōha kara kārana nāhīṃ. rabi sanmukha tama kabahuom ki jāhīṃ..
