चौपाई
एक पिता के बिपुल कुमारा। होहिं पृथक गुन सील अचारा।।
कोउ पंडिंत कोउ तापस ग्याता। कोउ धनवंत सूर कोउ दाता।।
कोउ सर्बग्य धर्मरत कोई। सब पर पितहि प्रीति सम होई।।
कोउ पितु भगत बचन मन कर्मा। सपनेहुँ जान न दूसर धर्मा।।
सो सुत प्रिय पितु प्रान समाना। जद्यपि सो सब भाँति अयाना।।
एहि बिधि जीव चराचर जेते। त्रिजग देव नर असुर समेते।।
अखिल बिस्व यह मोर उपाया। सब पर मोहि बराबरि दाया।।
तिन्ह महँ जो परिहरि मद माया। भजै मोहि मन बच अरू काया।।
चौपाई
कबहूँ काल न ब्यापिहि तोही। सुमिरेसु भजेसु निरंतर मोही।।
प्रभु बचनामृत सुनि न अघाऊँ। तनु पुलकित मन अति हरषाऊँ।।
सो सुख जानइ मन अरु काना। नहिं रसना पहिं जाइ बखाना।।
प्रभु सोभा सुख जानहिं नयना। कहि किमि सकहिं तिन्हहि नहिं बयना।।
बहु बिधि मोहि प्रबोधि सुख देई। लगे करन सिसु कौतुक तेई।।
सजल नयन कछु मुख करि रूखा। चितइ मातु लागी अति भूखा।।
देखि मातु आतुर उठि धाई। कहि मृदु बचन लिए उर लाई।।
गोद राखि कराव पय पाना। रघुपति चरित ललित कर गाना।।
चौपाई
ēka pitā kē bipula kumārā. hōhiṃ pṛthaka guna sīla acārā..
kōu paṃḍiṃta kōu tāpasa gyātā. kōu dhanavaṃta sūra kōu dātā..
kōu sarbagya dharmarata kōī. saba para pitahi prīti sama hōī..
kōu pitu bhagata bacana mana karmā. sapanēhuom jāna na dūsara dharmā..
sō suta priya pitu prāna samānā. jadyapi sō saba bhāomti ayānā..
ēhi bidhi jīva carācara jētē. trijaga dēva nara asura samētē..
akhila bisva yaha mōra upāyā. saba para mōhi barābari dāyā..
tinha mahaom jō parihari mada māyā. bhajai mōhi mana baca arū kāyā..
चौपाई
kabahūom kāla na byāpihi tōhī. sumirēsu bhajēsu niraṃtara mōhī..
prabhu bacanāmṛta suni na aghāūom. tanu pulakita mana ati haraṣāūom..
sō sukha jānai mana aru kānā. nahiṃ rasanā pahiṃ jāi bakhānā..
prabhu sōbhā sukha jānahiṃ nayanā. kahi kimi sakahiṃ tinhahi nahiṃ bayanā..
bahu bidhi mōhi prabōdhi sukha dēī. lagē karana sisu kautuka tēī..
sajala nayana kachu mukha kari rūkhā. citai mātu lāgī ati bhūkhā..
dēkhi mātu ātura uṭhi dhāī. kahi mṛdu bacana liē ura lāī..
gōda rākhi karāva paya pānā. raghupati carita lalita kara gānā..
