चौपाई
एहि कर होइ परम कल्याना। सोइ करहु अब कृपानिधाना।।
बिप्रगिरा सुनि परहित सानी। एवमस्तु इति भइ नभबानी।।
जदपि कीन्ह एहिं दारुन पापा। मैं पुनि दीन्ह कोप करि सापा।।
तदपि तुम्हार साधुता देखी। करिहउँ एहि पर कृपा बिसेषी।।
छमासील जे पर उपकारी। ते द्विज मोहि प्रिय जथा खरारी।।
मोर श्राप द्विज ब्यर्थ न जाइहि। जन्म सहस अवस्य यह पाइहि।।
जनमत मरत दुसह दुख होई। अहि स्वल्पउ नहिं ब्यापिहि सोई।।
कवनेउँ जन्म मिटिहि नहिं ग्याना। सुनहि सूद्र मम बचन प्रवाना।।
रघुपति पुरीं जन्म तब भयऊ। पुनि तैं मम सेवाँ मन दयऊ।।
पुरी प्रभाव अनुग्रह मोरें। राम भगति उपजिहि उर तोरें।।
सुनु मम बचन सत्य अब भाई। हरितोषन ब्रत द्विज सेवकाई।।
अब जनि करहि बिप्र अपमाना। जानेहु संत अनंत समाना।।
इंद्र कुलिस मम सूल बिसाला। कालदंड हरि चक्र कराला।।
जो इन्ह कर मारा नहिं मरई। बिप्रद्रोह पावक सो जरई।।
अस बिबेक राखेहु मन माहीं। तुम्ह कहँ जग दुर्लभ कछु नाहीं।।
औरउ एक आसिषा मोरी। अप्रतिहत गति होइहि तोरी।।
चौपाई
त्रिजग देव नर जोइ तनु धरउँ। तहँ तहँ राम भजन अनुसरऊँ।।
एक सूल मोहि बिसर न काऊ। गुर कर कोमल सील सुभाऊ।।
चरम देह द्विज कै मैं पाई। सुर दुर्लभ पुरान श्रुति गाई।।
खेलउँ तहूँ बालकन्ह मीला। करउँ सकल रघुनायक लीला।।
प्रौढ़ भएँ मोहि पिता पढ़ावा। समझउँ सुनउँ गुनउँ नहिं भावा।।
मन ते सकल बासना भागी। केवल राम चरन लय लागी।।
कहु खगेस अस कवन अभागी। खरी सेव सुरधेनुहि त्यागी।।
प्रेम मगन मोहि कछु न सोहाई। हारेउ पिता पढ़ाइ पढ़ाई।।
भए कालबस जब पितु माता। मैं बन गयउँ भजन जनत्राता।।
जहँ जहँ बिपिन मुनीस्वर पावउँ। आश्रम जाइ जाइ सिरु नावउँ।।
बूझत तिन्हहि राम गुन गाहा। कहहिं सुनउँ हरषित खगनाहा।।
सुनत फिरउँ हरि गुन अनुबादा। अब्याहत गति संभु प्रसादा।।
छूटी त्रिबिध ईषना गाढ़ी। एक लालसा उर अति बाढ़ी।।
राम चरन बारिज जब देखौं। तब निज जन्म सफल करि लेखौं।।
जेहि पूँछउँ सोइ मुनि अस कहई। ईस्वर सर्ब भूतमय अहई।।
निर्गुन मत नहिं मोहि सोहाई। सगुन ब्रह्म रति उर अधिकाई।।
चौपाई
ēhi kara hōi parama kalyānā. sōi karahu aba kṛpānidhānā..
bipragirā suni parahita sānī. ēvamastu iti bhai nabhabānī..
jadapi kīnha ēhiṃ dāruna pāpā. maiṃ puni dīnha kōpa kari sāpā..
tadapi tumhāra sādhutā dēkhī. karihauom ēhi para kṛpā bisēṣī..
chamāsīla jē para upakārī. tē dvija mōhi priya jathā kharārī..
mōra śrāpa dvija byartha na jāihi. janma sahasa avasya yaha pāihi..
janamata marata dusaha dukha hōī. ahi svalpau nahiṃ byāpihi sōī..
kavanēuom janma miṭihi nahiṃ gyānā. sunahi sūdra mama bacana pravānā..
raghupati purīṃ janma taba bhayaū. puni taiṃ mama sēvāom mana dayaū..
purī prabhāva anugraha mōrēṃ. rāma bhagati upajihi ura tōrēṃ..
sunu mama bacana satya aba bhāī. haritōṣana brata dvija sēvakāī..
aba jani karahi bipra apamānā. jānēhu saṃta anaṃta samānā..
iṃdra kulisa mama sūla bisālā. kāladaṃḍa hari cakra karālā..
jō inha kara mārā nahiṃ maraī. bipradrōha pāvaka sō jaraī..
asa bibēka rākhēhu mana māhīṃ. tumha kahaom jaga durlabha kachu nāhīṃ..
aurau ēka āsiṣā mōrī. apratihata gati hōihi tōrī..
चौपाई
trijaga dēva nara jōi tanu dharauom. tahaom tahaom rāma bhajana anusaraūom..
ēka sūla mōhi bisara na kāū. gura kara kōmala sīla subhāū..
carama dēha dvija kai maiṃ pāī. sura durlabha purāna śruti gāī..
khēlauom tahūom bālakanha mīlā. karauom sakala raghunāyaka līlā..
prauḍha bhaēom mōhi pitā paḍhaāvā. samajhauom sunauom gunauom nahiṃ bhāvā..
mana tē sakala bāsanā bhāgī. kēvala rāma carana laya lāgī..
kahu khagēsa asa kavana abhāgī. kharī sēva suradhēnuhi tyāgī..
prēma magana mōhi kachu na sōhāī. hārēu pitā paḍhaāi paḍhaāī..
bhaē kālabasa jaba pitu mātā. maiṃ bana gayauom bhajana janatrātā..
jahaom jahaom bipina munīsvara pāvauom. āśrama jāi jāi siru nāvauom..
būjhata tinhahi rāma guna gāhā. kahahiṃ sunauom haraṣita khaganāhā..
sunata phirauom hari guna anubādā. abyāhata gati saṃbhu prasādā..
chūṭī tribidha īṣanā gāḍhaī. ēka lālasā ura ati bāḍhaī..
rāma carana bārija jaba dēkhauṃ. taba nija janma saphala kari lēkhauṃ..
jēhi pūomchauom sōi muni asa kahaī. īsvara sarba bhūtamaya ahaī..
nirguna mata nahiṃ mōhi sōhāī. saguna brahma rati ura adhikāī..
