छंद
जय सगुन निर्गुन रूप अनूप भूप सिरोमने।
दसकंधरादि प्रचंड निसिचर प्रबल खल भुज बल हने।।
अवतार नर संसार भार बिभंजि दारुन दुख दहे।
जय प्रनतपाल दयाल प्रभु संजुक्त सक्ति नमामहे।।1।।
तव बिषम माया बस सुरासुर नाग नर अग जग हरे।
भव पंथ भ्रमत अमित दिवस निसि काल कर्म गुननि भरे।।
जे नाथ करि करुना बिलोके त्रिबिधि दुख ते निर्बहे।
भव खेद छेदन दच्छ हम कहुँ रच्छ राम नमामहे।।2।।
जे ग्यान मान बिमत्त तव भव हरनि भक्ति न आदरी।
ते पाइ सुर दुर्लभ पदादपि परत हम देखत हरी।।
बिस्वास करि सब आस परिहरि दास तव जे होइ रहे।
जपि नाम तव बिनु श्रम तरहिं भव नाथ सो समरामहे।।3।।
जे चरन सिव अज पूज्य रज सुभ परसि मुनिपतिनी तरी।
नख निर्गता मुनि बंदिता त्रेलोक पावनि सुरसरी।।
ध्वज कुलिस अंकुस कंज जुत बन फिरत कंटक किन लहे।
पद कंज द्वंद मुकुंद राम रमेस नित्य भजामहे।।4।।
अब्यक्तमूलमनादि तरु त्वच चारि निगमागम भने।
षट कंध साखा पंच बीस अनेक पर्न सुमन घने।।
फल जुगल बिधि कटु मधुर बेलि अकेलि जेहि आश्रित रहे।
पल्लवत फूलत नवल नित संसार बिटप नमामहे।।5।।
जे ब्रह्म अजमद्वैतमनुभवगम्य मनपर ध्यावहीं।
ते कहहुँ जानहुँ नाथ हम तव सगुन जस नित गावहीं।।
करुनायतन प्रभु सदगुनाकर देव यह बर मागहीं।
मन बचन कर्म बिकार तजि तव चरन हम अनुरागहीं।।6।।
छंद
जय राम रमारमनं समनं। भव ताप भयाकुल पाहि जनं।।
अवधेस सुरेस रमेस बिभो। सरनागत मागत पाहि प्रभो।।1।।
दससीस बिनासन बीस भुजा। कृत दूरि महा महि भूरि रुजा।।
रजनीचर बृंद पतंग रहे। सर पावक तेज प्रचंड दहे।।2।।
महि मंडल मंडन चारुतरं। धृत सायक चाप निषंग बरं।।
मद मोह महा ममता रजनी। तम पुंज दिवाकर तेज अनी।।3।।
मनजात किरात निपात किए। मृग लोग कुभोग सरेन हिए।।
हति नाथ अनाथनि पाहि हरे। बिषया बन पावँर भूलि परे।।4।।
बहु रोग बियोगन्हि लोग हए। भवदंघ्रि निरादर के फल ए।।
भव सिंधु अगाध परे नर ते। पद पंकज प्रेम न जे करते।।5।।
अति दीन मलीन दुखी नितहीं। जिन्ह के पद पंकज प्रीति नहीं।।
अवलंब भवंत कथा जिन्ह के।। प्रिय संत अनंत सदा तिन्ह कें।।6।।
नहिं राग न लोभ न मान मदा।।तिन्ह कें सम बैभव वा बिपदा।।
एहि ते तव सेवक होत मुदा। मुनि त्यागत जोग भरोस सदा।।7।।
करि प्रेम निरंतर नेम लिएँ। पद पंकज सेवत सुद्ध हिएँ।।
सम मानि निरादर आदरही। सब संत सुखी बिचरंति मही।।8।।
मुनि मानस पंकज भृंग भजे। रघुबीर महा रनधीर अजे।।
तव नाम जपामि नमामि हरी। भव रोग महागद मान अरी।।9।।
गुन सील कृपा परमायतनं। प्रनमामि निरंतर श्रीरमनं।।
रघुनंद निकंदय द्वंद्वघनं। महिपाल बिलोकय दीन जनं।।10।।
छंद
jaya saguna nirguna rūpa anūpa bhūpa sirōmanē.
dasakaṃdharādi pracaṃḍa nisicara prabala khala bhuja bala hanē..
avatāra nara saṃsāra bhāra bibhaṃji dāruna dukha dahē.
jaya pranatapāla dayāla prabhu saṃjukta sakti namāmahē..1..
tava biṣama māyā basa surāsura nāga nara aga jaga harē.
bhava paṃtha bhramata amita divasa nisi kāla karma gunani bharē..
jē nātha kari karunā bilōkē tribidhi dukha tē nirbahē.
bhava khēda chēdana daccha hama kahuom raccha rāma namāmahē..2..
jē gyāna māna bimatta tava bhava harani bhakti na ādarī.
tē pāi sura durlabha padādapi parata hama dēkhata harī..
bisvāsa kari saba āsa parihari dāsa tava jē hōi rahē.
japi nāma tava binu śrama tarahiṃ bhava nātha sō samarāmahē..3..
jē carana siva aja pūjya raja subha parasi munipatinī tarī.
nakha nirgatā muni baṃditā trēlōka pāvani surasarī..
dhvaja kulisa aṃkusa kaṃja juta bana phirata kaṃṭaka kina lahē.
pada kaṃja dvaṃda mukuṃda rāma ramēsa nitya bhajāmahē..4..
abyaktamūlamanādi taru tvaca cāri nigamāgama bhanē.
ṣaṭa kaṃdha sākhā paṃca bīsa anēka parna sumana ghanē..
phala jugala bidhi kaṭu madhura bēli akēli jēhi āśrita rahē.
pallavata phūlata navala nita saṃsāra biṭapa namāmahē..5..
jē brahma ajamadvaitamanubhavagamya manapara dhyāvahīṃ.
tē kahahuom jānahuom nātha hama tava saguna jasa nita gāvahīṃ..
karunāyatana prabhu sadagunākara dēva yaha bara māgahīṃ.
mana bacana karma bikāra taji tava carana hama anurāgahīṃ..6..
छंद
jaya rāma ramāramanaṃ samanaṃ. bhava tāpa bhayākula pāhi janaṃ..
avadhēsa surēsa ramēsa bibhō. saranāgata māgata pāhi prabhō..1..
dasasīsa bināsana bīsa bhujā. kṛta dūri mahā mahi bhūri rujā..
rajanīcara bṛṃda pataṃga rahē. sara pāvaka tēja pracaṃḍa dahē..2..
mahi maṃḍala maṃḍana cārutaraṃ. dhṛta sāyaka cāpa niṣaṃga baraṃ..
mada mōha mahā mamatā rajanī. tama puṃja divākara tēja anī..3..
manajāta kirāta nipāta kiē. mṛga lōga kubhōga sarēna hiē..
hati nātha anāthani pāhi harē. biṣayā bana pāvaomra bhūli parē..4..
bahu rōga biyōganhi lōga haē. bhavadaṃghri nirādara kē phala ē..
bhava siṃdhu agādha parē nara tē. pada paṃkaja prēma na jē karatē..5..
ati dīna malīna dukhī nitahīṃ. jinha kē pada paṃkaja prīti nahīṃ..
avalaṃba bhavaṃta kathā jinha kē.. priya saṃta anaṃta sadā tinha kēṃ..6..
nahiṃ rāga na lōbha na māna madā..tinha kēṃ sama baibhava vā bipadā..
ēhi tē tava sēvaka hōta mudā. muni tyāgata jōga bharōsa sadā..7..
kari prēma niraṃtara nēma liēom. pada paṃkaja sēvata suddha hiēom..
sama māni nirādara ādarahī. saba saṃta sukhī bicaraṃti mahī..8..
muni mānasa paṃkaja bhṛṃga bhajē. raghubīra mahā ranadhīra ajē..
tava nāma japāmi namāmi harī. bhava rōga mahāgada māna arī..9..
guna sīla kṛpā paramāyatanaṃ. pranamāmi niraṃtara śrīramanaṃ..
raghunaṃda nikaṃdaya dvaṃdvaghanaṃ. mahipāla bilōkaya dīna janaṃ..10..
