चौपाई
सुनु खगपति यह कथा पावनी। त्रिबिध ताप भव भय दावनी।।
महाराज कर सुभ अभिषेका। सुनत लहहिं नर बिरति बिबेका।।
जे सकाम नर सुनहिं जे गावहिं। सुख संपति नाना बिधि पावहिं।।
सुर दुर्लभ सुख करि जग माहीं। अंतकाल रघुपति पुर जाहीं।।
सुनहिं बिमुक्त बिरत अरु बिषई। लहहिं भगति गति संपति नई।।
खगपति राम कथा मैं बरनी। स्वमति बिलास त्रास दुख हरनी।।
बिरति बिबेक भगति दृढ़ करनी। मोह नदी कहँ सुंदर तरनी।।
नित नव मंगल कौसलपुरी। हरषित रहहिं लोग सब कुरी।।
नित नइ प्रीति राम पद पंकज। सबकें जिन्हहि नमत सिव मुनि अज।।
मंगन बहु प्रकार पहिराए। द्विजन्ह दान नाना बिधि पाए।।
चौपाई
बिसरे गृह सपनेहुँ सुधि नाहीं। जिमि परद्रोह संत मन माही।।
तब रघुपति सब सखा बोलाए। आइ सबन्हि सादर सिरु नाए।।
परम प्रीति समीप बैठारे। भगत सुखद मृदु बचन उचारे।।
तुम्ह अति कीन्ह मोरि सेवकाई। मुख पर केहि बिधि करौं बड़ाई।।
ताते मोहि तुम्ह अति प्रिय लागे। मम हित लागि भवन सुख त्यागे।।
अनुज राज संपति बैदेही। देह गेह परिवार सनेही।।
सब मम प्रिय नहिं तुम्हहि समाना। मृषा न कहउँ मोर यह बाना।।
सब के प्रिय सेवक यह नीती। मोरें अधिक दास पर प्रीती।।
चौपाई
sunu khagapati yaha kathā pāvanī. tribidha tāpa bhava bhaya dāvanī..
mahārāja kara subha abhiṣēkā. sunata lahahiṃ nara birati bibēkā..
jē sakāma nara sunahiṃ jē gāvahiṃ. sukha saṃpati nānā bidhi pāvahiṃ..
sura durlabha sukha kari jaga māhīṃ. aṃtakāla raghupati pura jāhīṃ..
sunahiṃ bimukta birata aru biṣaī. lahahiṃ bhagati gati saṃpati naī..
khagapati rāma kathā maiṃ baranī. svamati bilāsa trāsa dukha haranī..
birati bibēka bhagati dṛḍha karanī. mōha nadī kahaom suṃdara taranī..
nita nava maṃgala kausalapurī. haraṣita rahahiṃ lōga saba kurī..
nita nai prīti rāma pada paṃkaja. sabakēṃ jinhahi namata siva muni aja..
maṃgana bahu prakāra pahirāē. dvijanha dāna nānā bidhi pāē..
चौपाई
bisarē gṛha sapanēhuom sudhi nāhīṃ. jimi paradrōha saṃta mana māhī..
taba raghupati saba sakhā bōlāē. āi sabanhi sādara siru nāē..
parama prīti samīpa baiṭhārē. bhagata sukhada mṛdu bacana ucārē..
tumha ati kīnha mōri sēvakāī. mukha para kēhi bidhi karauṃ baḍaāī..
tātē mōhi tumha ati priya lāgē. mama hita lāgi bhavana sukha tyāgē..
anuja rāja saṃpati baidēhī. dēha gēha parivāra sanēhī..
saba mama priya nahiṃ tumhahi samānā. mṛṣā na kahauom mōra yaha bānā..
saba kē priya sēvaka yaha nītī. mōrēṃ adhika dāsa para prītī..
