चौपाई
जब रघुनाथ समर रिपु जीते। सुर नर मुनि सब के भय बीते।।
तब लछिमन सीतहि लै आए। प्रभु पद परत हरषि उर लाए।
सीता चितव स्याम मृदु गाता। परम प्रेम लोचन न अघाता।।
पंचवटीं बसि श्रीरघुनायक। करत चरित सुर मुनि सुखदायक।।
धुआँ देखि खरदूषन केरा। जाइ सुपनखाँ रावन प्रेरा।।
बोलि बचन क्रोध करि भारी। देस कोस कै सुरति बिसारी।।
करसि पान सोवसि दिनु राती। सुधि नहिं तव सिर पर आराती।।
राज नीति बिनु धन बिनु धर्मा। हरिहि समर्पे बिनु सतकर्मा।।
बिद्या बिनु बिबेक उपजाएँ। श्रम फल पढ़े किएँ अरु पाएँ।।
संग ते जती कुमंत्र ते राजा। मान ते ग्यान पान तें लाजा।।
प्रीति प्रनय बिनु मद ते गुनी। नासहि बेगि नीति अस सुनी।।
दोहा/सोरठा
रिपु रुज पावक पाप प्रभु अहि गनिअ न छोट करि।
अस कहि बिबिध बिलाप करि लागी रोदन करन।।21(क)।।
सभा माझ परि ब्याकुल बहु प्रकार कह रोइ।
तोहि जिअत दसकंधर मोरि कि असि गति होइ।।21(ख)।।
चौपाई
सुनत सभासद उठे अकुलाई। समुझाई गहि बाहँ उठाई।।
कह लंकेस कहसि निज बाता। केंइँ तव नासा कान निपाता।।
अवध नृपति दसरथ के जाए। पुरुष सिंघ बन खेलन आए।।
समुझि परी मोहि उन्ह कै करनी। रहित निसाचर करिहहिं धरनी।।
जिन्ह कर भुजबल पाइ दसानन। अभय भए बिचरत मुनि कानन।।
देखत बालक काल समाना। परम धीर धन्वी गुन नाना।।
अतुलित बल प्रताप द्वौ भ्राता। खल बध रत सुर मुनि सुखदाता।।
सोभाधाम राम अस नामा। तिन्ह के संग नारि एक स्यामा।।
रुप रासि बिधि नारि सँवारी। रति सत कोटि तासु बलिहारी।।
तासु अनुज काटे श्रुति नासा। सुनि तव भगिनि करहिं परिहासा।।
खर दूषन सुनि लगे पुकारा। छन महुँ सकल कटक उन्ह मारा।।
खर दूषन तिसिरा कर घाता। सुनि दससीस जरे सब गाता।।
दोहा/सोरठा
सुपनखहि समुझाइ करि बल बोलेसि बहु भाँति।
गयउ भवन अति सोचबस नीद परइ नहिं राति।।22।।
चौपाई
jaba raghunātha samara ripu jītē. sura nara muni saba kē bhaya bītē..
taba lachimana sītahi lai āē. prabhu pada parata haraṣi ura lāē.
sītā citava syāma mṛdu gātā. parama prēma lōcana na aghātā..
paṃcavaṭīṃ basi śrīraghunāyaka. karata carita sura muni sukhadāyaka..
dhuāom dēkhi kharadūṣana kērā. jāi supanakhāom rāvana prērā..
bōli bacana krōdha kari bhārī. dēsa kōsa kai surati bisārī..
karasi pāna sōvasi dinu rātī. sudhi nahiṃ tava sira para ārātī..
rāja nīti binu dhana binu dharmā. harihi samarpē binu satakarmā..
bidyā binu bibēka upajāēom. śrama phala paḍhaē kiēom aru pāēom..
saṃga tē jatī kumaṃtra tē rājā. māna tē gyāna pāna tēṃ lājā..
prīti pranaya binu mada tē gunī. nāsahi bēgi nīti asa sunī..
चौपाई
sunata sabhāsada uṭhē akulāī. samujhāī gahi bāhaom uṭhāī..
kaha laṃkēsa kahasi nija bātā. kēṃiom tava nāsā kāna nipātā..
avadha nṛpati dasaratha kē jāē. puruṣa siṃgha bana khēlana āē..
samujhi parī mōhi unha kai karanī. rahita nisācara karihahiṃ dharanī..
jinha kara bhujabala pāi dasānana. abhaya bhaē bicarata muni kānana..
dēkhata bālaka kāla samānā. parama dhīra dhanvī guna nānā..
atulita bala pratāpa dvau bhrātā. khala badha rata sura muni sukhadātā..
sōbhādhāma rāma asa nāmā. tinha kē saṃga nāri ēka syāmā..
rupa rāsi bidhi nāri saomvārī. rati sata kōṭi tāsu balihārī..
tāsu anuja kāṭē śruti nāsā. suni tava bhagini karahiṃ parihāsā..
khara dūṣana suni lagē pukārā. chana mahuom sakala kaṭaka unha mārā..
khara dūṣana tisirā kara ghātā. suni dasasīsa jarē saba gātā..
