चौपाई
सुर नर असुर नाग खग माहीं। मोरे अनुचर कहँ कोउ नाहीं।।
खर दूषन मोहि सम बलवंता। तिन्हहि को मारइ बिनु भगवंता।।
सुर रंजन भंजन महि भारा। जौं भगवंत लीन्ह अवतारा।।
तौ मै जाइ बैरु हठि करऊँ। प्रभु सर प्रान तजें भव तरऊँ।।
होइहि भजनु न तामस देहा। मन क्रम बचन मंत्र दृढ़ एहा।।
जौं नररुप भूपसुत कोऊ। हरिहउँ नारि जीति रन दोऊ।।
चला अकेल जान चढि तहवाँ। बस मारीच सिंधु तट जहवाँ।।
इहाँ राम जसि जुगुति बनाई। सुनहु उमा सो कथा सुहाई।।
दोहा/सोरठा
लछिमन गए बनहिं जब लेन मूल फल कंद।
जनकसुता सन बोले बिहसि कृपा सुख बृंद।। 23।।
चौपाई
सुनहु प्रिया ब्रत रुचिर सुसीला। मैं कछु करबि ललित नरलीला।।
तुम्ह पावक महुँ करहु निवासा। जौ लगि करौं निसाचर नासा।।
जबहिं राम सब कहा बखानी। प्रभु पद धरि हियँ अनल समानी।।
निज प्रतिबिंब राखि तहँ सीता। तैसइ सील रुप सुबिनीता।।
लछिमनहूँ यह मरमु न जाना। जो कछु चरित रचा भगवाना।।
दसमुख गयउ जहाँ मारीचा। नाइ माथ स्वारथ रत नीचा।।
नवनि नीच कै अति दुखदाई। जिमि अंकुस धनु उरग बिलाई।।
भयदायक खल कै प्रिय बानी। जिमि अकाल के कुसुम भवानी।।
दोहा/सोरठा
करि पूजा मारीच तब सादर पूछी बात।
कवन हेतु मन ब्यग्र अति अकसर आयहु तात।।24।।
चौपाई
sura nara asura nāga khaga māhīṃ. mōrē anucara kahaom kōu nāhīṃ..
khara dūṣana mōhi sama balavaṃtā. tinhahi kō mārai binu bhagavaṃtā..
sura raṃjana bhaṃjana mahi bhārā. jauṃ bhagavaṃta līnha avatārā..
tau mai jāi bairu haṭhi karaūom. prabhu sara prāna tajēṃ bhava taraūom..
hōihi bhajanu na tāmasa dēhā. mana krama bacana maṃtra dṛḍha ēhā..
jauṃ nararupa bhūpasuta kōū. harihauom nāri jīti rana dōū..
calā akēla jāna caḍhi tahavāom. basa mārīca siṃdhu taṭa jahavāom..
ihāom rāma jasi juguti banāī. sunahu umā sō kathā suhāī..
चौपाई
sunahu priyā brata rucira susīlā. maiṃ kachu karabi lalita naralīlā..
tumha pāvaka mahuom karahu nivāsā. jau lagi karauṃ nisācara nāsā..
jabahiṃ rāma saba kahā bakhānī. prabhu pada dhari hiyaom anala samānī..
nija pratibiṃba rākhi tahaom sītā. taisai sīla rupa subinītā..
lachimanahūom yaha maramu na jānā. jō kachu carita racā bhagavānā..
dasamukha gayau jahāom mārīcā. nāi mātha svāratha rata nīcā..
navani nīca kai ati dukhadāī. jimi aṃkusa dhanu uraga bilāī..
bhayadāyaka khala kai priya bānī. jimi akāla kē kusuma bhavānī..
