चौपाई
दसमुख सकल कथा तेहि आगें। कही सहित अभिमान अभागें।।
होहु कपट मृग तुम्ह छलकारी। जेहि बिधि हरि आनौ नृपनारी।।
तेहिं पुनि कहा सुनहु दससीसा। ते नररुप चराचर ईसा।।
तासों तात बयरु नहिं कीजे। मारें मरिअ जिआएँ जीजै।।
मुनि मख राखन गयउ कुमारा। बिनु फर सर रघुपति मोहि मारा।।
सत जोजन आयउँ छन माहीं। तिन्ह सन बयरु किएँ भल नाहीं।।
भइ मम कीट भृंग की नाई। जहँ तहँ मैं देखउँ दोउ भाई।।
जौं नर तात तदपि अति सूरा। तिन्हहि बिरोधि न आइहि पूरा।।
दोहा/सोरठा
जेहिं ताड़का सुबाहु हति खंडेउ हर कोदंड।।
खर दूषन तिसिरा बधेउ मनुज कि अस बरिबंड।।25।।
चौपाई
जाहु भवन कुल कुसल बिचारी। सुनत जरा दीन्हिसि बहु गारी।।
गुरु जिमि मूढ़ करसि मम बोधा। कहु जग मोहि समान को जोधा।।
तब मारीच हृदयँ अनुमाना। नवहि बिरोधें नहिं कल्याना।।
सस्त्री मर्मी प्रभु सठ धनी। बैद बंदि कबि भानस गुनी।।
उभय भाँति देखा निज मरना। तब ताकिसि रघुनायक सरना।।
उतरु देत मोहि बधब अभागें। कस न मरौं रघुपति सर लागें।।
अस जियँ जानि दसानन संगा। चला राम पद प्रेम अभंगा।।
मन अति हरष जनाव न तेही। आजु देखिहउँ परम सनेही।।
चौपाई
dasamukha sakala kathā tēhi āgēṃ. kahī sahita abhimāna abhāgēṃ..
hōhu kapaṭa mṛga tumha chalakārī. jēhi bidhi hari ānau nṛpanārī..
tēhiṃ puni kahā sunahu dasasīsā. tē nararupa carācara īsā..
tāsōṃ tāta bayaru nahiṃ kījē. mārēṃ maria jiāēom jījai..
muni makha rākhana gayau kumārā. binu phara sara raghupati mōhi mārā..
sata jōjana āyauom chana māhīṃ. tinha sana bayaru kiēom bhala nāhīṃ..
bhai mama kīṭa bhṛṃga kī nāī. jahaom tahaom maiṃ dēkhauom dōu bhāī..
jauṃ nara tāta tadapi ati sūrā. tinhahi birōdhi na āihi pūrā..
चौपाई
jāhu bhavana kula kusala bicārī. sunata jarā dīnhisi bahu gārī..
guru jimi mūḍha karasi mama bōdhā. kahu jaga mōhi samāna kō jōdhā..
taba mārīca hṛdayaom anumānā. navahi birōdhēṃ nahiṃ kalyānā..
sastrī marmī prabhu saṭha dhanī. baida baṃdi kabi bhānasa gunī..
ubhaya bhāomti dēkhā nija maranā. taba tākisi raghunāyaka saranā..
utaru dēta mōhi badhaba abhāgēṃ. kasa na marauṃ raghupati sara lāgēṃ..
asa jiyaom jāni dasānana saṃgā. calā rāma pada prēma abhaṃgā..
mana ati haraṣa janāva na tēhī. āju dēkhihauom parama sanēhī..
