चौपाई
हा जग एक बीर रघुराया। केहिं अपराध बिसारेहु दाया।।
आरति हरन सरन सुखदायक। हा रघुकुल सरोज दिननायक।।
हा लछिमन तुम्हार नहिं दोसा। सो फलु पायउँ कीन्हेउँ रोसा।।
बिबिध बिलाप करति बैदेही। भूरि कृपा प्रभु दूरि सनेही।।
बिपति मोरि को प्रभुहि सुनावा। पुरोडास चह रासभ खावा।।
सीता कै बिलाप सुनि भारी। भए चराचर जीव दुखारी।।
गीधराज सुनि आरत बानी। रघुकुलतिलक नारि पहिचानी।।
अधम निसाचर लीन्हे जाई। जिमि मलेछ बस कपिला गाई।।
सीते पुत्रि करसि जनि त्रासा। करिहउँ जातुधान कर नासा।।
धावा क्रोधवंत खग कैसें। छूटइ पबि परबत कहुँ जैसे।।
रे रे दुष्ट ठाढ़ किन होही। निर्भय चलेसि न जानेहि मोही।।
आवत देखि कृतांत समाना। फिरि दसकंधर कर अनुमाना।।
की मैनाक कि खगपति होई। मम बल जान सहित पति सोई।।
जाना जरठ जटायू एहा। मम कर तीरथ छाँड़िहि देहा।।
सुनत गीध क्रोधातुर धावा। कह सुनु रावन मोर सिखावा।।
तजि जानकिहि कुसल गृह जाहू। नाहिं त अस होइहि बहुबाहू।।
राम रोष पावक अति घोरा। होइहि सकल सलभ कुल तोरा।।
उतरु न देत दसानन जोधा। तबहिं गीध धावा करि क्रोधा।।
धरि कच बिरथ कीन्ह महि गिरा। सीतहि राखि गीध पुनि फिरा।।
चौचन्ह मारि बिदारेसि देही। दंड एक भइ मुरुछा तेही।।
तब सक्रोध निसिचर खिसिआना। काढ़ेसि परम कराल कृपाना।।
काटेसि पंख परा खग धरनी। सुमिरि राम करि अदभुत करनी।।
सीतहि जानि चढ़ाइ बहोरी। चला उताइल त्रास न थोरी।।
करति बिलाप जाति नभ सीता। ब्याध बिबस जनु मृगी सभीता।।
गिरि पर बैठे कपिन्ह निहारी। कहि हरि नाम दीन्ह पट डारी।।
एहि बिधि सीतहि सो लै गयऊ। बन असोक महँ राखत भयऊ।।
दोहा/सोरठा
हारि परा खल बहु बिधि भय अरु प्रीति देखाइ।
तब असोक पादप तर राखिसि जतन कराइ।।29(क)।।
जेहि बिधि कपट कुरंग सँग धाइ चले श्रीराम।
सो छबि सीता राखि उर रटति रहति हरिनाम।।29(ख)।।
चौपाई
रघुपति अनुजहि आवत देखी। बाहिज चिंता कीन्हि बिसेषी।।
जनकसुता परिहरिहु अकेली। आयहु तात बचन मम पेली।।
निसिचर निकर फिरहिं बन माहीं। मम मन सीता आश्रम नाहीं।।
गहि पद कमल अनुज कर जोरी। कहेउ नाथ कछु मोहि न खोरी।।
अनुज समेत गए प्रभु तहवाँ। गोदावरि तट आश्रम जहवाँ।।
आश्रम देखि जानकी हीना। भए बिकल जस प्राकृत दीना।।
हा गुन खानि जानकी सीता। रूप सील ब्रत नेम पुनीता।।
लछिमन समुझाए बहु भाँती। पूछत चले लता तरु पाँती।।
हे खग मृग हे मधुकर श्रेनी। तुम्ह देखी सीता मृगनैनी।।
खंजन सुक कपोत मृग मीना। मधुप निकर कोकिला प्रबीना।।
कुंद कली दाड़िम दामिनी। कमल सरद ससि अहिभामिनी।।
बरुन पास मनोज धनु हंसा। गज केहरि निज सुनत प्रसंसा।।
श्रीफल कनक कदलि हरषाहीं। नेकु न संक सकुच मन माहीं।।
सुनु जानकी तोहि बिनु आजू। हरषे सकल पाइ जनु राजू।।
किमि सहि जात अनख तोहि पाहीं । प्रिया बेगि प्रगटसि कस नाहीं।।
एहि बिधि खौजत बिलपत स्वामी। मनहुँ महा बिरही अति कामी।।
पूरनकाम राम सुख रासी। मनुज चरित कर अज अबिनासी।।
आगे परा गीधपति देखा। सुमिरत राम चरन जिन्ह रेखा।।
दोहा/सोरठा
कर सरोज सिर परसेउ कृपासिंधु रधुबीर।।
निरखि राम छबि धाम मुख बिगत भई सब पीर।।30।।
चौपाई
hā jaga ēka bīra raghurāyā. kēhiṃ aparādha bisārēhu dāyā..
ārati harana sarana sukhadāyaka. hā raghukula sarōja dinanāyaka..
hā lachimana tumhāra nahiṃ dōsā. sō phalu pāyauom kīnhēuom rōsā..
bibidha bilāpa karati baidēhī. bhūri kṛpā prabhu dūri sanēhī..
bipati mōri kō prabhuhi sunāvā. purōḍāsa caha rāsabha khāvā..
sītā kai bilāpa suni bhārī. bhaē carācara jīva dukhārī..
gīdharāja suni ārata bānī. raghukulatilaka nāri pahicānī..
adhama nisācara līnhē jāī. jimi malēcha basa kapilā gāī..
sītē putri karasi jani trāsā. karihauom jātudhāna kara nāsā..
dhāvā krōdhavaṃta khaga kaisēṃ. chūṭai pabi parabata kahuom jaisē..
rē rē duṣṭa ṭhāḍha kina hōhī. nirbhaya calēsi na jānēhi mōhī..
āvata dēkhi kṛtāṃta samānā. phiri dasakaṃdhara kara anumānā..
kī maināka ki khagapati hōī. mama bala jāna sahita pati sōī..
jānā jaraṭha jaṭāyū ēhā. mama kara tīratha chāomḍaihi dēhā..
sunata gīdha krōdhātura dhāvā. kaha sunu rāvana mōra sikhāvā..
taji jānakihi kusala gṛha jāhū. nāhiṃ ta asa hōihi bahubāhū..
rāma rōṣa pāvaka ati ghōrā. hōihi sakala salabha kula tōrā..
utaru na dēta dasānana jōdhā. tabahiṃ gīdha dhāvā kari krōdhā..
dhari kaca biratha kīnha mahi girā. sītahi rākhi gīdha puni phirā..
caucanha māri bidārēsi dēhī. daṃḍa ēka bhai muruchā tēhī..
taba sakrōdha nisicara khisiānā. kāḍhaēsi parama karāla kṛpānā..
kāṭēsi paṃkha parā khaga dharanī. sumiri rāma kari adabhuta karanī..
sītahi jāni caḍhaāi bahōrī. calā utāila trāsa na thōrī..
karati bilāpa jāti nabha sītā. byādha bibasa janu mṛgī sabhītā..
giri para baiṭhē kapinha nihārī. kahi hari nāma dīnha paṭa ḍārī..
ēhi bidhi sītahi sō lai gayaū. bana asōka mahaom rākhata bhayaū..
चौपाई
raghupati anujahi āvata dēkhī. bāhija ciṃtā kīnhi bisēṣī..
janakasutā pariharihu akēlī. āyahu tāta bacana mama pēlī..
nisicara nikara phirahiṃ bana māhīṃ. mama mana sītā āśrama nāhīṃ..
gahi pada kamala anuja kara jōrī. kahēu nātha kachu mōhi na khōrī..
anuja samēta gaē prabhu tahavāom. gōdāvari taṭa āśrama jahavāom..
āśrama dēkhi jānakī hīnā. bhaē bikala jasa prākṛta dīnā..
hā guna khāni jānakī sītā. rūpa sīla brata nēma punītā..
lachimana samujhāē bahu bhāomtī. pūchata calē latā taru pāomtī..
hē khaga mṛga hē madhukara śrēnī. tumha dēkhī sītā mṛganainī..
khaṃjana suka kapōta mṛga mīnā. madhupa nikara kōkilā prabīnā..
kuṃda kalī dāḍaima dāminī. kamala sarada sasi ahibhāminī..
baruna pāsa manōja dhanu haṃsā. gaja kēhari nija sunata prasaṃsā..
śrīphala kanaka kadali haraṣāhīṃ. nēku na saṃka sakuca mana māhīṃ..
sunu jānakī tōhi binu ājū. haraṣē sakala pāi janu rājū..
kimi sahi jāta anakha tōhi pāhīṃ . priyā bēgi pragaṭasi kasa nāhīṃ..
ēhi bidhi khaujata bilapata svāmī. manahuom mahā birahī ati kāmī..
pūranakāma rāma sukha rāsī. manuja carita kara aja abināsī..
āgē parā gīdhapati dēkhā. sumirata rāma carana jinha rēkhā..
