चौपाई
तब कह गीध बचन धरि धीरा । सुनहु राम भंजन भव भीरा।।
नाथ दसानन यह गति कीन्ही। तेहि खल जनकसुता हरि लीन्ही।।
लै दच्छिन दिसि गयउ गोसाई। बिलपति अति कुररी की नाई।।
दरस लागी प्रभु राखेंउँ प्राना। चलन चहत अब कृपानिधाना।।
राम कहा तनु राखहु ताता। मुख मुसकाइ कही तेहिं बाता।।
जा कर नाम मरत मुख आवा। अधमउ मुकुत होई श्रुति गावा।।
सो मम लोचन गोचर आगें। राखौं देह नाथ केहि खाँगें।।
जल भरि नयन कहहिं रघुराई। तात कर्म निज ते गतिं पाई।।
परहित बस जिन्ह के मन माहीं। तिन्ह कहुँ जग दुर्लभ कछु नाहीं।।
तनु तजि तात जाहु मम धामा। देउँ काह तुम्ह पूरनकामा।।
दोहा/सोरठा
सीता हरन तात जनि कहहु पिता सन जाइ।।
जौं मैं राम त कुल सहित कहिहि दसानन आइ।।31।।
चौपाई
गीध देह तजि धरि हरि रुपा। भूषन बहु पट पीत अनूपा।।
स्याम गात बिसाल भुज चारी। अस्तुति करत नयन भरि बारी।।
चौपाई
taba kaha gīdha bacana dhari dhīrā . sunahu rāma bhaṃjana bhava bhīrā..
nātha dasānana yaha gati kīnhī. tēhi khala janakasutā hari līnhī..
lai dacchina disi gayau gōsāī. bilapati ati kurarī kī nāī..
darasa lāgī prabhu rākhēṃuom prānā. calana cahata aba kṛpānidhānā..
rāma kahā tanu rākhahu tātā. mukha musakāi kahī tēhiṃ bātā..
jā kara nāma marata mukha āvā. adhamau mukuta hōī śruti gāvā..
sō mama lōcana gōcara āgēṃ. rākhauṃ dēha nātha kēhi khāomgēṃ..
jala bhari nayana kahahiṃ raghurāī. tāta karma nija tē gatiṃ pāī..
parahita basa jinha kē mana māhīṃ. tinha kahuom jaga durlabha kachu nāhīṃ..
tanu taji tāta jāhu mama dhāmā. dēuom kāha tumha pūranakāmā..
चौपाई
gīdha dēha taji dhari hari rupā. bhūṣana bahu paṭa pīta anūpā..
syāma gāta bisāla bhuja cārī. astuti karata nayana bhari bārī..
