चौपाई
कोमल चित अति दीनदयाला। कारन बिनु रघुनाथ कृपाला।।
गीध अधम खग आमिष भोगी। गति दीन्हि जो जाचत जोगी।।
सुनहु उमा ते लोग अभागी। हरि तजि होहिं बिषय अनुरागी।।
पुनि सीतहि खोजत द्वौ भाई। चले बिलोकत बन बहुताई।।
संकुल लता बिटप घन कानन। बहु खग मृग तहँ गज पंचानन।।
आवत पंथ कबंध निपाता। तेहिं सब कही साप कै बाता।।
दुरबासा मोहि दीन्ही सापा। प्रभु पद पेखि मिटा सो पापा।।
सुनु गंधर्ब कहउँ मै तोही। मोहि न सोहाइ ब्रह्मकुल द्रोही।।
दोहा/सोरठा
मन क्रम बचन कपट तजि जो कर भूसुर सेव।
मोहि समेत बिरंचि सिव बस ताकें सब देव।।33।।
चौपाई
सापत ताड़त परुष कहंता। बिप्र पूज्य अस गावहिं संता।।
पूजिअ बिप्र सील गुन हीना। सूद्र न गुन गन ग्यान प्रबीना।।
कहि निज धर्म ताहि समुझावा। निज पद प्रीति देखि मन भावा।।
रघुपति चरन कमल सिरु नाई। गयउ गगन आपनि गति पाई।।
ताहि देइ गति राम उदारा। सबरी कें आश्रम पगु धारा।।
सबरी देखि राम गृहँ आए। मुनि के बचन समुझि जियँ भाए।।
सरसिज लोचन बाहु बिसाला। जटा मुकुट सिर उर बनमाला।।
स्याम गौर सुंदर दोउ भाई। सबरी परी चरन लपटाई।।
प्रेम मगन मुख बचन न आवा। पुनि पुनि पद सरोज सिर नावा।।
सादर जल लै चरन पखारे। पुनि सुंदर आसन बैठारे।।
दोहा/सोरठा
कंद मूल फल सुरस अति दिए राम कहुँ आनि।
प्रेम सहित प्रभु खाए बारंबार बखानि।।34।।
चौपाई
kōmala cita ati dīnadayālā. kārana binu raghunātha kṛpālā..
gīdha adhama khaga āmiṣa bhōgī. gati dīnhi jō jācata jōgī..
sunahu umā tē lōga abhāgī. hari taji hōhiṃ biṣaya anurāgī..
puni sītahi khōjata dvau bhāī. calē bilōkata bana bahutāī..
saṃkula latā biṭapa ghana kānana. bahu khaga mṛga tahaom gaja paṃcānana..
āvata paṃtha kabaṃdha nipātā. tēhiṃ saba kahī sāpa kai bātā..
durabāsā mōhi dīnhī sāpā. prabhu pada pēkhi miṭā sō pāpā..
sunu gaṃdharba kahauom mai tōhī. mōhi na sōhāi brahmakula drōhī..
चौपाई
sāpata tāḍata paruṣa kahaṃtā. bipra pūjya asa gāvahiṃ saṃtā..
pūjia bipra sīla guna hīnā. sūdra na guna gana gyāna prabīnā..
kahi nija dharma tāhi samujhāvā. nija pada prīti dēkhi mana bhāvā..
raghupati carana kamala siru nāī. gayau gagana āpani gati pāī..
tāhi dēi gati rāma udārā. sabarī kēṃ āśrama pagu dhārā..
sabarī dēkhi rāma gṛhaom āē. muni kē bacana samujhi jiyaom bhāē..
sarasija lōcana bāhu bisālā. jaṭā mukuṭa sira ura banamālā..
syāma gaura suṃdara dōu bhāī. sabarī parī carana lapaṭāī..
prēma magana mukha bacana na āvā. puni puni pada sarōja sira nāvā..
sādara jala lai carana pakhārē. puni suṃdara āsana baiṭhārē..
