चौपाई
पानि जोरि आगें भइ ठाढ़ी। प्रभुहि बिलोकि प्रीति अति बाढ़ी।।
केहि बिधि अस्तुति करौ तुम्हारी। अधम जाति मैं जड़मति भारी।।
अधम ते अधम अधम अति नारी। तिन्ह महँ मैं मतिमंद अघारी।।
कह रघुपति सुनु भामिनि बाता। मानउँ एक भगति कर नाता।।
जाति पाँति कुल धर्म बड़ाई। धन बल परिजन गुन चतुराई।।
भगति हीन नर सोहइ कैसा। बिनु जल बारिद देखिअ जैसा।।
नवधा भगति कहउँ तोहि पाहीं। सावधान सुनु धरु मन माहीं।।
प्रथम भगति संतन्ह कर संगा। दूसरि रति मम कथा प्रसंगा।।
दोहा/सोरठा
गुर पद पंकज सेवा तीसरि भगति अमान।
चौथि भगति मम गुन गन करइ कपट तजि गान।।35।।
चौपाई
मंत्र जाप मम दृढ़ बिस्वासा। पंचम भजन सो बेद प्रकासा।।
छठ दम सील बिरति बहु करमा। निरत निरंतर सज्जन धरमा।।
सातवँ सम मोहि मय जग देखा। मोतें संत अधिक करि लेखा।।
आठवँ जथालाभ संतोषा। सपनेहुँ नहिं देखइ परदोषा।।
नवम सरल सब सन छलहीना। मम भरोस हियँ हरष न दीना।।
नव महुँ एकउ जिन्ह के होई। नारि पुरुष सचराचर कोई।।
सोइ अतिसय प्रिय भामिनि मोरे। सकल प्रकार भगति दृढ़ तोरें।।
जोगि बृंद दुरलभ गति जोई। तो कहुँ आजु सुलभ भइ सोई।।
मम दरसन फल परम अनूपा। जीव पाव निज सहज सरूपा।।
जनकसुता कइ सुधि भामिनी। जानहि कहु करिबरगामिनी।।
पंपा सरहि जाहु रघुराई। तहँ होइहि सुग्रीव मिताई।।
सो सब कहिहि देव रघुबीरा। जानतहूँ पूछहु मतिधीरा।।
बार बार प्रभु पद सिरु नाई। प्रेम सहित सब कथा सुनाई।।
चौपाई
pāni jōri āgēṃ bhai ṭhāḍhaī. prabhuhi bilōki prīti ati bāḍhaī..
kēhi bidhi astuti karau tumhārī. adhama jāti maiṃ jaḍamati bhārī..
adhama tē adhama adhama ati nārī. tinha mahaom maiṃ matimaṃda aghārī..
kaha raghupati sunu bhāmini bātā. mānauom ēka bhagati kara nātā..
jāti pāomti kula dharma baḍaāī. dhana bala parijana guna caturāī..
bhagati hīna nara sōhai kaisā. binu jala bārida dēkhia jaisā..
navadhā bhagati kahauom tōhi pāhīṃ. sāvadhāna sunu dharu mana māhīṃ..
prathama bhagati saṃtanha kara saṃgā. dūsari rati mama kathā prasaṃgā..
चौपाई
maṃtra jāpa mama dṛḍha bisvāsā. paṃcama bhajana sō bēda prakāsā..
chaṭha dama sīla birati bahu karamā. nirata niraṃtara sajjana dharamā..
sātavaom sama mōhi maya jaga dēkhā. mōtēṃ saṃta adhika kari lēkhā..
āṭhavaom jathālābha saṃtōṣā. sapanēhuom nahiṃ dēkhai paradōṣā..
navama sarala saba sana chalahīnā. mama bharōsa hiyaom haraṣa na dīnā..
nava mahuom ēkau jinha kē hōī. nāri puruṣa sacarācara kōī..
sōi atisaya priya bhāmini mōrē. sakala prakāra bhagati dṛḍha tōrēṃ..
jōgi bṛṃda duralabha gati jōī. tō kahuom āju sulabha bhai sōī..
mama darasana phala parama anūpā. jīva pāva nija sahaja sarūpā..
janakasutā kai sudhi bhāminī. jānahi kahu karibaragāminī..
paṃpā sarahi jāhu raghurāī. tahaom hōihi sugrīva mitāī..
sō saba kahihi dēva raghubīrā. jānatahūom pūchahu matidhīrā..
bāra bāra prabhu pada siru nāī. prēma sahita saba kathā sunāī..
