चौपाई
चले राम त्यागा बन सोऊ। अतुलित बल नर केहरि दोऊ।।
बिरही इव प्रभु करत बिषादा। कहत कथा अनेक संबादा।।
लछिमन देखु बिपिन कइ सोभा। देखत केहि कर मन नहिं छोभा।।
नारि सहित सब खग मृग बृंदा। मानहुँ मोरि करत हहिं निंदा।।
हमहि देखि मृग निकर पराहीं। मृगीं कहहिं तुम्ह कहँ भय नाहीं।।
तुम्ह आनंद करहु मृग जाए। कंचन मृग खोजन ए आए।।
संग लाइ करिनीं करि लेहीं। मानहुँ मोहि सिखावनु देहीं।।
सास्त्र सुचिंतित पुनि पुनि देखिअ। भूप सुसेवित बस नहिं लेखिअ।।
राखिअ नारि जदपि उर माहीं। जुबती सास्त्र नृपति बस नाहीं।।
देखहु तात बसंत सुहावा। प्रिया हीन मोहि भय उपजावा।।
दोहा/सोरठा
बिरह बिकल बलहीन मोहि जानेसि निपट अकेल।
सहित बिपिन मधुकर खग मदन कीन्ह बगमेल।।37(क)।।
देखि गयउ भ्राता सहित तासु दूत सुनि बात।
डेरा कीन्हेउ मनहुँ तब कटकु हटकि मनजात।।37(ख)।।
चौपाई
बिटप बिसाल लता अरुझानी। बिबिध बितान दिए जनु तानी।।
कदलि ताल बर धुजा पताका। दैखि न मोह धीर मन जाका।।
बिबिध भाँति फूले तरु नाना। जनु बानैत बने बहु बाना।।
कहुँ कहुँ सुन्दर बिटप सुहाए। जनु भट बिलग बिलग होइ छाए।।
कूजत पिक मानहुँ गज माते। ढेक महोख ऊँट बिसराते।।
मोर चकोर कीर बर बाजी। पारावत मराल सब ताजी।।
तीतिर लावक पदचर जूथा। बरनि न जाइ मनोज बरुथा।।
रथ गिरि सिला दुंदुभी झरना। चातक बंदी गुन गन बरना।।
मधुकर मुखर भेरि सहनाई। त्रिबिध बयारि बसीठीं आई।।
चतुरंगिनी सेन सँग लीन्हें। बिचरत सबहि चुनौती दीन्हें।।
लछिमन देखत काम अनीका। रहहिं धीर तिन्ह कै जग लीका।।
एहि कें एक परम बल नारी। तेहि तें उबर सुभट सोइ भारी।।
दोहा/सोरठा
तात तीनि अति प्रबल खल काम क्रोध अरु लोभ।
मुनि बिग्यान धाम मन करहिं निमिष महुँ छोभ।।38(क)।।
लोभ कें इच्छा दंभ बल काम कें केवल नारि।
क्रोध के परुष बचन बल मुनिबर कहहिं बिचारि।।38(ख)।।
चौपाई
calē rāma tyāgā bana sōū. atulita bala nara kēhari dōū..
birahī iva prabhu karata biṣādā. kahata kathā anēka saṃbādā..
lachimana dēkhu bipina kai sōbhā. dēkhata kēhi kara mana nahiṃ chōbhā..
nāri sahita saba khaga mṛga bṛṃdā. mānahuom mōri karata hahiṃ niṃdā..
hamahi dēkhi mṛga nikara parāhīṃ. mṛgīṃ kahahiṃ tumha kahaom bhaya nāhīṃ..
tumha ānaṃda karahu mṛga jāē. kaṃcana mṛga khōjana ē āē..
saṃga lāi karinīṃ kari lēhīṃ. mānahuom mōhi sikhāvanu dēhīṃ..
sāstra suciṃtita puni puni dēkhia. bhūpa susēvita basa nahiṃ lēkhia..
rākhia nāri jadapi ura māhīṃ. jubatī sāstra nṛpati basa nāhīṃ..
dēkhahu tāta basaṃta suhāvā. priyā hīna mōhi bhaya upajāvā..
चौपाई
biṭapa bisāla latā arujhānī. bibidha bitāna diē janu tānī..
kadali tāla bara dhujā patākā. daikhi na mōha dhīra mana jākā..
bibidha bhāomti phūlē taru nānā. janu bānaita banē bahu bānā..
kahuom kahuom sundara biṭapa suhāē. janu bhaṭa bilaga bilaga hōi chāē..
kūjata pika mānahuom gaja mātē. ḍhēka mahōkha ūomṭa bisarātē..
mōra cakōra kīra bara bājī. pārāvata marāla saba tājī..
tītira lāvaka padacara jūthā. barani na jāi manōja baruthā..
ratha giri silā duṃdubhī jharanā. cātaka baṃdī guna gana baranā..
madhukara mukhara bhēri sahanāī. tribidha bayāri basīṭhīṃ āī..
caturaṃginī sēna saomga līnhēṃ. bicarata sabahi cunautī dīnhēṃ..
lachimana dēkhata kāma anīkā. rahahiṃ dhīra tinha kai jaga līkā..
ēhi kēṃ ēka parama bala nārī. tēhi tēṃ ubara subhaṭa sōi bhārī..
