चौपाई
गुनातीत सचराचर स्वामी। राम उमा सब अंतरजामी।।
कामिन्ह कै दीनता देखाई। धीरन्ह कें मन बिरति दृढ़ाई।।
क्रोध मनोज लोभ मद माया। छूटहिं सकल राम कीं दाया।।
सो नर इंद्रजाल नहिं भूला। जा पर होइ सो नट अनुकूला।।
उमा कहउँ मैं अनुभव अपना। सत हरि भजनु जगत सब सपना।।
पुनि प्रभु गए सरोबर तीरा। पंपा नाम सुभग गंभीरा।।
संत हृदय जस निर्मल बारी। बाँधे घाट मनोहर चारी।।
जहँ तहँ पिअहिं बिबिध मृग नीरा। जनु उदार गृह जाचक भीरा।।
दोहा/सोरठा
पुरइनि सबन ओट जल बेगि न पाइअ मर्म।
मायाछन्न न देखिऐ जैसे निर्गुन ब्रह्म।।39(क)।।
सुखि मीन सब एकरस अति अगाध जल माहिं।
जथा धर्मसीलन्ह के दिन सुख संजुत जाहिं।।39(ख)।।
चौपाई
बिकसे सरसिज नाना रंगा। मधुर मुखर गुंजत बहु भृंगा।।
बोलत जलकुक्कुट कलहंसा। प्रभु बिलोकि जनु करत प्रसंसा।।
चक्रवाक बक खग समुदाई। देखत बनइ बरनि नहिं जाई।।
सुन्दर खग गन गिरा सुहाई। जात पथिक जनु लेत बोलाई।।
ताल समीप मुनिन्ह गृह छाए। चहु दिसि कानन बिटप सुहाए।।
चंपक बकुल कदंब तमाला। पाटल पनस परास रसाला।।
नव पल्लव कुसुमित तरु नाना। चंचरीक पटली कर गाना।।
सीतल मंद सुगंध सुभाऊ। संतत बहइ मनोहर बाऊ।।
कुहू कुहू कोकिल धुनि करहीं। सुनि रव सरस ध्यान मुनि टरहीं।।
दोहा/सोरठा
फल भारन नमि बिटप सब रहे भूमि निअराइ।
पर उपकारी पुरुष जिमि नवहिं सुसंपति पाइ।।40।।
चौपाई
gunātīta sacarācara svāmī. rāma umā saba aṃtarajāmī..
kāminha kai dīnatā dēkhāī. dhīranha kēṃ mana birati dṛḍhaāī..
krōdha manōja lōbha mada māyā. chūṭahiṃ sakala rāma kīṃ dāyā..
sō nara iṃdrajāla nahiṃ bhūlā. jā para hōi sō naṭa anukūlā..
umā kahauom maiṃ anubhava apanā. sata hari bhajanu jagata saba sapanā..
puni prabhu gaē sarōbara tīrā. paṃpā nāma subhaga gaṃbhīrā..
saṃta hṛdaya jasa nirmala bārī. bāomdhē ghāṭa manōhara cārī..
jahaom tahaom piahiṃ bibidha mṛga nīrā. janu udāra gṛha jācaka bhīrā..
चौपाई
bikasē sarasija nānā raṃgā. madhura mukhara guṃjata bahu bhṛṃgā..
bōlata jalakukkuṭa kalahaṃsā. prabhu bilōki janu karata prasaṃsā..
cakravāka baka khaga samudāī. dēkhata banai barani nahiṃ jāī..
sundara khaga gana girā suhāī. jāta pathika janu lēta bōlāī..
tāla samīpa muninha gṛha chāē. cahu disi kānana biṭapa suhāē..
caṃpaka bakula kadaṃba tamālā. pāṭala panasa parāsa rasālā..
nava pallava kusumita taru nānā. caṃcarīka paṭalī kara gānā..
sītala maṃda sugaṃdha subhāū. saṃtata bahai manōhara bāū..
kuhū kuhū kōkila dhuni karahīṃ. suni rava sarasa dhyāna muni ṭarahīṃ..
