चौपाई
देखि राम अति रुचिर तलावा। मज्जनु कीन्ह परम सुख पावा।।
देखी सुंदर तरुबर छाया। बैठे अनुज सहित रघुराया।।
तहँ पुनि सकल देव मुनि आए। अस्तुति करि निज धाम सिधाए।।
बैठे परम प्रसन्न कृपाला। कहत अनुज सन कथा रसाला।।
बिरहवंत भगवंतहि देखी। नारद मन भा सोच बिसेषी।।
मोर साप करि अंगीकारा। सहत राम नाना दुख भारा।।
ऐसे प्रभुहि बिलोकउँ जाई। पुनि न बनिहि अस अवसरु आई।।
यह बिचारि नारद कर बीना। गए जहाँ प्रभु सुख आसीना।।
गावत राम चरित मृदु बानी। प्रेम सहित बहु भाँति बखानी।।
करत दंडवत लिए उठाई। राखे बहुत बार उर लाई।।
स्वागत पूँछि निकट बैठारे। लछिमन सादर चरन पखारे।।
दोहा/सोरठा
नाना बिधि बिनती करि प्रभु प्रसन्न जियँ जानि।
नारद बोले बचन तब जोरि सरोरुह पानि।।41।।
चौपाई
सुनहु उदार सहज रघुनायक। सुंदर अगम सुगम बर दायक।।
देहु एक बर मागउँ स्वामी। जद्यपि जानत अंतरजामी।।
जानहु मुनि तुम्ह मोर सुभाऊ। जन सन कबहुँ कि करउँ दुराऊ।।
कवन बस्तु असि प्रिय मोहि लागी। जो मुनिबर न सकहु तुम्ह मागी।।
जन कहुँ कछु अदेय नहिं मोरें। अस बिस्वास तजहु जनि भोरें।।
तब नारद बोले हरषाई । अस बर मागउँ करउँ ढिठाई।।
जद्यपि प्रभु के नाम अनेका। श्रुति कह अधिक एक तें एका।।
राम सकल नामन्ह ते अधिका। होउ नाथ अघ खग गन बधिका।।
दोहा/सोरठा
राका रजनी भगति तव राम नाम सोइ सोम।
अपर नाम उडगन बिमल बसुहुँ भगत उर ब्योम।।42(क)।।
एवमस्तु मुनि सन कहेउ कृपासिंधु रघुनाथ।
तब नारद मन हरष अति प्रभु पद नायउ माथ।।42(ख)।।
चौपाई
dēkhi rāma ati rucira talāvā. majjanu kīnha parama sukha pāvā..
dēkhī suṃdara tarubara chāyā. baiṭhē anuja sahita raghurāyā..
tahaom puni sakala dēva muni āē. astuti kari nija dhāma sidhāē..
baiṭhē parama prasanna kṛpālā. kahata anuja sana kathā rasālā..
birahavaṃta bhagavaṃtahi dēkhī. nārada mana bhā sōca bisēṣī..
mōra sāpa kari aṃgīkārā. sahata rāma nānā dukha bhārā..
aisē prabhuhi bilōkauom jāī. puni na banihi asa avasaru āī..
yaha bicāri nārada kara bīnā. gaē jahāom prabhu sukha āsīnā..
gāvata rāma carita mṛdu bānī. prēma sahita bahu bhāomti bakhānī..
karata daṃḍavata liē uṭhāī. rākhē bahuta bāra ura lāī..
svāgata pūomchi nikaṭa baiṭhārē. lachimana sādara carana pakhārē..
चौपाई
sunahu udāra sahaja raghunāyaka. suṃdara agama sugama bara dāyaka..
dēhu ēka bara māgauom svāmī. jadyapi jānata aṃtarajāmī..
jānahu muni tumha mōra subhāū. jana sana kabahuom ki karauom durāū..
kavana bastu asi priya mōhi lāgī. jō munibara na sakahu tumha māgī..
jana kahuom kachu adēya nahiṃ mōrēṃ. asa bisvāsa tajahu jani bhōrēṃ..
taba nārada bōlē haraṣāī . asa bara māgauom karauom ḍhiṭhāī..
jadyapi prabhu kē nāma anēkā. śruti kaha adhika ēka tēṃ ēkā..
rāma sakala nāmanha tē adhikā. hōu nātha agha khaga gana badhikā..
