चौपाई
जब तें रामु ब्याहि घर आए। नित नव मंगल मोद बधाए।।
भुवन चारिदस भूधर भारी। सुकृत मेघ बरषहि सुख बारी।।
रिधि सिधि संपति नदीं सुहाई। उमगि अवध अंबुधि कहुँ आई।।
मनिगन पुर नर नारि सुजाती। सुचि अमोल सुंदर सब भाँती।।
कहि न जाइ कछु नगर बिभूती। जनु एतनिअ बिरंचि करतूती।।
सब बिधि सब पुर लोग सुखारी। रामचंद मुख चंदु निहारी।।
मुदित मातु सब सखीं सहेली। फलित बिलोकि मनोरथ बेली।।
राम रूपु गुनसीलु सुभाऊ। प्रमुदित होइ देखि सुनि राऊ।।
दोहा/सोरठा
सब कें उर अभिलाषु अस कहहिं मनाइ महेसु।
आप अछत जुबराज पद रामहि देउ नरेसु।।1।।
चौपाई
एक समय सब सहित समाजा। राजसभाँ रघुराजु बिराजा।।
सकल सुकृत मूरति नरनाहू। राम सुजसु सुनि अतिहि उछाहू।।
नृप सब रहहिं कृपा अभिलाषें। लोकप करहिं प्रीति रुख राखें।।
तिभुवन तीनि काल जग माहीं। भूरि भाग दसरथ सम नाहीं।।
मंगलमूल रामु सुत जासू। जो कछु कहिज थोर सबु तासू।।
रायँ सुभायँ मुकुरु कर लीन्हा। बदनु बिलोकि मुकुट सम कीन्हा।।
श्रवन समीप भए सित केसा। मनहुँ जरठपनु अस उपदेसा।।
नृप जुबराज राम कहुँ देहू। जीवन जनम लाहु किन लेहू।।
दोहा/सोरठा
यह बिचारु उर आनि नृप सुदिनु सुअवसरु पाइ।
प्रेम पुलकि तन मुदित मन गुरहि सुनायउ जाइ।।2।।
चौपाई
jaba tēṃ rāmu byāhi ghara āē. nita nava maṃgala mōda badhāē..
bhuvana cāridasa bhūdhara bhārī. sukṛta mēgha baraṣahi sukha bārī..
ridhi sidhi saṃpati nadīṃ suhāī. umagi avadha aṃbudhi kahuom āī..
manigana pura nara nāri sujātī. suci amōla suṃdara saba bhāomtī..
kahi na jāi kachu nagara bibhūtī. janu ētania biraṃci karatūtī..
saba bidhi saba pura lōga sukhārī. rāmacaṃda mukha caṃdu nihārī..
mudita mātu saba sakhīṃ sahēlī. phalita bilōki manōratha bēlī..
rāma rūpu gunasīlu subhāū. pramudita hōi dēkhi suni rāū..
चौपाई
ēka samaya saba sahita samājā. rājasabhāom raghurāju birājā..
sakala sukṛta mūrati naranāhū. rāma sujasu suni atihi uchāhū..
nṛpa saba rahahiṃ kṛpā abhilāṣēṃ. lōkapa karahiṃ prīti rukha rākhēṃ..
tibhuvana tīni kāla jaga māhīṃ. bhūri bhāga dasaratha sama nāhīṃ..
maṃgalamūla rāmu suta jāsū. jō kachu kahija thōra sabu tāsū..
rāyaom subhāyaom mukuru kara līnhā. badanu bilōki mukuṭa sama kīnhā..
śravana samīpa bhaē sita kēsā. manahuom jaraṭhapanu asa upadēsā..
nṛpa jubarāja rāma kahuom dēhū. jīvana janama lāhu kina lēhū..
