चौपाई
कहइ भुआलु सुनिअ मुनिनायक। भए राम सब बिधि सब लायक।।
सेवक सचिव सकल पुरबासी। जे हमारे अरि मित्र उदासी।।
सबहि रामु प्रिय जेहि बिधि मोही। प्रभु असीस जनु तनु धरि सोही।।
बिप्र सहित परिवार गोसाईं। करहिं छोहु सब रौरिहि नाई।।
जे गुर चरन रेनु सिर धरहीं। ते जनु सकल बिभव बस करहीं।।
मोहि सम यहु अनुभयउ न दूजें। सबु पायउँ रज पावनि पूजें।।
अब अभिलाषु एकु मन मोरें। पूजहि नाथ अनुग्रह तोरें।।
मुनि प्रसन्न लखि सहज सनेहू। कहेउ नरेस रजायसु देहू।।
दोहा/सोरठा
राजन राउर नामु जसु सब अभिमत दातार।
फल अनुगामी महिप मनि मन अभिलाषु तुम्हार।।3।।
चौपाई
सब बिधि गुरु प्रसन्न जियँ जानी। बोलेउ राउ रहँसि मृदु बानी।।
नाथ रामु करिअहिं जुबराजू। कहिअ कृपा करि करिअ समाजू।।
मोहि अछत यहु होइ उछाहू। लहहिं लोग सब लोचन लाहू।।
प्रभु प्रसाद सिव सबइ निबाहीं। यह लालसा एक मन माहीं।।
पुनि न सोच तनु रहउ कि जाऊ। जेहिं न होइ पाछें पछिताऊ।।
सुनि मुनि दसरथ बचन सुहाए। मंगल मोद मूल मन भाए।।
सुनु नृप जासु बिमुख पछिताहीं। जासु भजन बिनु जरनि न जाहीं।।
भयउ तुम्हार तनय सोइ स्वामी। रामु पुनीत प्रेम अनुगामी।।
दोहा/सोरठा
बेगि बिलंबु न करिअ नृप साजिअ सबुइ समाजु।
सुदिन सुमंगलु तबहिं जब रामु होहिं जुबराजु।।4।।
चौपाई
kahai bhuālu sunia munināyaka. bhaē rāma saba bidhi saba lāyaka..
sēvaka saciva sakala purabāsī. jē hamārē ari mitra udāsī..
sabahi rāmu priya jēhi bidhi mōhī. prabhu asīsa janu tanu dhari sōhī..
bipra sahita parivāra gōsāīṃ. karahiṃ chōhu saba raurihi nāī..
jē gura carana rēnu sira dharahīṃ. tē janu sakala bibhava basa karahīṃ..
mōhi sama yahu anubhayau na dūjēṃ. sabu pāyauom raja pāvani pūjēṃ..
aba abhilāṣu ēku mana mōrēṃ. pūjahi nātha anugraha tōrēṃ..
muni prasanna lakhi sahaja sanēhū. kahēu narēsa rajāyasu dēhū..
चौपाई
saba bidhi guru prasanna jiyaom jānī. bōlēu rāu rahaomsi mṛdu bānī..
nātha rāmu kariahiṃ jubarājū. kahia kṛpā kari karia samājū..
mōhi achata yahu hōi uchāhū. lahahiṃ lōga saba lōcana lāhū..
prabhu prasāda siva sabai nibāhīṃ. yaha lālasā ēka mana māhīṃ..
puni na sōca tanu rahau ki jāū. jēhiṃ na hōi pāchēṃ pachitāū..
suni muni dasaratha bacana suhāē. maṃgala mōda mūla mana bhāē..
sunu nṛpa jāsu bimukha pachitāhīṃ. jāsu bhajana binu jarani na jāhīṃ..
bhayau tumhāra tanaya sōi svāmī. rāmu punīta prēma anugāmī..
