चौपाई
बामदेव रघुकुल गुर ग्यानी। बहुरि गाधिसुत कथा बखानी।।
सुनि मुनि सुजसु मनहिं मन राऊ। बरनत आपन पुन्य प्रभाऊ।।
बहुरे लोग रजायसु भयऊ। सुतन्ह समेत नृपति गृहँ गयऊ।।
जहँ तहँ राम ब्याहु सबु गावा। सुजसु पुनीत लोक तिहुँ छावा।।
आए ब्याहि रामु घर जब तें। बसइ अनंद अवध सब तब तें।।
प्रभु बिबाहँ जस भयउ उछाहू। सकहिं न बरनि गिरा अहिनाहू।।
कबिकुल जीवनु पावन जानी।।राम सीय जसु मंगल खानी।।
तेहि ते मैं कछु कहा बखानी। करन पुनीत हेतु निज बानी।।
चौपाई
bāmadēva raghukula gura gyānī. bahuri gādhisuta kathā bakhānī..
suni muni sujasu manahiṃ mana rāū. baranata āpana punya prabhāū..
bahurē lōga rajāyasu bhayaū. sutanha samēta nṛpati gṛhaom gayaū..
jahaom tahaom rāma byāhu sabu gāvā. sujasu punīta lōka tihuom chāvā..
āē byāhi rāmu ghara jaba tēṃ. basai anaṃda avadha saba taba tēṃ..
prabhu bibāhaom jasa bhayau uchāhū. sakahiṃ na barani girā ahināhū..
kabikula jīvanu pāvana jānī..rāma sīya jasu maṃgala khānī..
tēhi tē maiṃ kachu kahā bakhānī. karana punīta hētu nija bānī..
