चौपाई
राम सुना दुखु कान न काऊ। जीवनतरु जिमि जोगवइ राऊ।।
पलक नयन फनि मनि जेहि भाँती। जोगवहिं जननि सकल दिन राती।।
ते अब फिरत बिपिन पदचारी। कंद मूल फल फूल अहारी।।
धिग कैकेई अमंगल मूला। भइसि प्रान प्रियतम प्रतिकूला।।
मैं धिग धिग अघ उदधि अभागी। सबु उतपातु भयउ जेहि लागी।।
कुल कलंकु करि सृजेउ बिधाताँ। साइँदोह मोहि कीन्ह कुमाताँ।।
सुनि सप्रेम समुझाव निषादू। नाथ करिअ कत बादि बिषादू।।
राम तुम्हहि प्रिय तुम्ह प्रिय रामहि। यह निरजोसु दोसु बिधि बामहि।।
चौपाई
सखा बचन सुनि उर धरि धीरा। बास चले सुमिरत रघुबीरा।।
यह सुधि पाइ नगर नर नारी। चले बिलोकन आरत भारी।।
परदखिना करि करहिं प्रनामा। देहिं कैकइहि खोरि निकामा।।
भरी भरि बारि बिलोचन लेंहीं। बाम बिधाताहि दूषन देहीं।।
एक सराहहिं भरत सनेहू। कोउ कह नृपति निबाहेउ नेहू।।
निंदहिं आपु सराहि निषादहि। को कहि सकइ बिमोह बिषादहि।।
एहि बिधि राति लोगु सबु जागा। भा भिनुसार गुदारा लागा।।
गुरहि सुनावँ चढ़ाइ सुहाईं। नईं नाव सब मातु चढ़ाईं।।
दंड चारि महँ भा सबु पारा। उतरि भरत तब सबहि सँभारा।।
दोहा/सोरठा
प्रातक्रिया करि मातु पद बंदि गुरहि सिरु नाइ।
आगें किए निषाद गन दीन्हेउ कटकु चलाइ।।202।।
चौपाई
rāma sunā dukhu kāna na kāū. jīvanataru jimi jōgavai rāū..
palaka nayana phani mani jēhi bhāomtī. jōgavahiṃ janani sakala dina rātī..
tē aba phirata bipina padacārī. kaṃda mūla phala phūla ahārī..
dhiga kaikēī amaṃgala mūlā. bhaisi prāna priyatama pratikūlā..
maiṃ dhiga dhiga agha udadhi abhāgī. sabu utapātu bhayau jēhi lāgī..
kula kalaṃku kari sṛjēu bidhātāom. sāiomdōha mōhi kīnha kumātāom..
suni saprēma samujhāva niṣādū. nātha karia kata bādi biṣādū..
rāma tumhahi priya tumha priya rāmahi. yaha nirajōsu dōsu bidhi bāmahi..
चौपाई
sakhā bacana suni ura dhari dhīrā. bāsa calē sumirata raghubīrā..
yaha sudhi pāi nagara nara nārī. calē bilōkana ārata bhārī..
paradakhinā kari karahiṃ pranāmā. dēhiṃ kaikaihi khōri nikāmā..
bharī bhari bāri bilōcana lēṃhīṃ. bāma bidhātāhi dūṣana dēhīṃ..
ēka sarāhahiṃ bharata sanēhū. kōu kaha nṛpati nibāhēu nēhū..
niṃdahiṃ āpu sarāhi niṣādahi. kō kahi sakai bimōha biṣādahi..
ēhi bidhi rāti lōgu sabu jāgā. bhā bhinusāra gudārā lāgā..
gurahi sunāvaom caḍhaāi suhāīṃ. naīṃ nāva saba mātu caḍhaāīṃ..
daṃḍa cāri mahaom bhā sabu pārā. utari bharata taba sabahi saombhārā..
