चौपाई
कियउ निषादनाथु अगुआईं। मातु पालकीं सकल चलाईं।।
साथ बोलाइ भाइ लघु दीन्हा। बिप्रन्ह सहित गवनु गुर कीन्हा।।
आपु सुरसरिहि कीन्ह प्रनामू। सुमिरे लखन सहित सिय रामू।।
गवने भरत पयोदेहिं पाए। कोतल संग जाहिं डोरिआए।।
कहहिं सुसेवक बारहिं बारा। होइअ नाथ अस्व असवारा।।
रामु पयोदेहि पायँ सिधाए। हम कहँ रथ गज बाजि बनाए।।
सिर भर जाउँ उचित अस मोरा। सब तें सेवक धरमु कठोरा।।
देखि भरत गति सुनि मृदु बानी। सब सेवक गन गरहिं गलानी।।
दोहा/सोरठा
भरत तीसरे पहर कहँ कीन्ह प्रबेसु प्रयाग।
कहत राम सिय राम सिय उमगि उमगि अनुराग।।203।।
चौपाई
झलका झलकत पायन्ह कैंसें। पंकज कोस ओस कन जैसें।।
भरत पयादेहिं आए आजू। भयउ दुखित सुनि सकल समाजू।।
खबरि लीन्ह सब लोग नहाए। कीन्ह प्रनामु त्रिबेनिहिं आए।।
सबिधि सितासित नीर नहाने। दिए दान महिसुर सनमाने।।
देखत स्यामल धवल हलोरे। पुलकि सरीर भरत कर जोरे।।
सकल काम प्रद तीरथराऊ। बेद बिदित जग प्रगट प्रभाऊ।।
मागउँ भीख त्यागि निज धरमू। आरत काह न करइ कुकरमू।।
अस जियँ जानि सुजान सुदानी। सफल करहिं जग जाचक बानी।।
दोहा/सोरठा
अरथ न धरम न काम रुचि गति न चहउँ निरबान।
जनम जनम रति राम पद यह बरदानु न आन।।204।।
चौपाई
kiyau niṣādanāthu aguāīṃ. mātu pālakīṃ sakala calāīṃ..
sātha bōlāi bhāi laghu dīnhā. bipranha sahita gavanu gura kīnhā..
āpu surasarihi kīnha pranāmū. sumirē lakhana sahita siya rāmū..
gavanē bharata payōdēhiṃ pāē. kōtala saṃga jāhiṃ ḍōriāē..
kahahiṃ susēvaka bārahiṃ bārā. hōia nātha asva asavārā..
rāmu payōdēhi pāyaom sidhāē. hama kahaom ratha gaja bāji banāē..
sira bhara jāuom ucita asa mōrā. saba tēṃ sēvaka dharamu kaṭhōrā..
dēkhi bharata gati suni mṛdu bānī. saba sēvaka gana garahiṃ galānī..
चौपाई
jhalakā jhalakata pāyanha kaiṃsēṃ. paṃkaja kōsa ōsa kana jaisēṃ..
bharata payādēhiṃ āē ājū. bhayau dukhita suni sakala samājū..
khabari līnha saba lōga nahāē. kīnha pranāmu tribēnihiṃ āē..
sabidhi sitāsita nīra nahānē. diē dāna mahisura sanamānē..
dēkhata syāmala dhavala halōrē. pulaki sarīra bharata kara jōrē..
sakala kāma prada tīratharāū. bēda bidita jaga pragaṭa prabhāū..
māgauom bhīkha tyāgi nija dharamū. ārata kāha na karai kukaramū..
asa jiyaom jāni sujāna sudānī. saphala karahiṃ jaga jācaka bānī..
