चौपाई
जानहुँ रामु कुटिल करि मोही। लोग कहउ गुर साहिब द्रोही।।
सीता राम चरन रति मोरें। अनुदिन बढ़उ अनुग्रह तोरें।।
जलदु जनम भरि सुरति बिसारउ। जाचत जलु पबि पाहन डारउ।।
चातकु रटनि घटें घटि जाई। बढ़े प्रेमु सब भाँति भलाई।।
कनकहिं बान चढ़इ जिमि दाहें। तिमि प्रियतम पद नेम निबाहें।।
भरत बचन सुनि माझ त्रिबेनी। भइ मृदु बानि सुमंगल देनी।।
तात भरत तुम्ह सब बिधि साधू। राम चरन अनुराग अगाधू।।
बाद गलानि करहु मन माहीं। तुम्ह सम रामहि कोउ प्रिय नाहीं।।
दोहा/सोरठा
तनु पुलकेउ हियँ हरषु सुनि बेनि बचन अनुकूल।
भरत धन्य कहि धन्य सुर हरषित बरषहिं फूल।।205।।
चौपाई
प्रमुदित तीरथराज निवासी। बैखानस बटु गृही उदासी।।
कहहिं परसपर मिलि दस पाँचा। भरत सनेह सीलु सुचि साँचा।।
सुनत राम गुन ग्राम सुहाए। भरद्वाज मुनिबर पहिं आए।।
दंड प्रनामु करत मुनि देखे। मूरतिमंत भाग्य निज लेखे।।
धाइ उठाइ लाइ उर लीन्हे। दीन्हि असीस कृतारथ कीन्हे।।
आसनु दीन्ह नाइ सिरु बैठे। चहत सकुच गृहँ जनु भजि पैठे।।
मुनि पूँछब कछु यह बड़ सोचू। बोले रिषि लखि सीलु सँकोचू।।
सुनहु भरत हम सब सुधि पाई। बिधि करतब पर किछु न बसाई।।
दोहा/सोरठा
तुम्ह गलानि जियँ जनि करहु समुझी मातु करतूति।
तात कैकइहि दोसु नहिं गई गिरा मति धूति।।206।।
चौपाई
jānahuom rāmu kuṭila kari mōhī. lōga kahau gura sāhiba drōhī..
sītā rāma carana rati mōrēṃ. anudina baḍhau anugraha tōrēṃ..
jaladu janama bhari surati bisārau. jācata jalu pabi pāhana ḍārau..
cātaku raṭani ghaṭēṃ ghaṭi jāī. baḍhaē prēmu saba bhāomti bhalāī..
kanakahiṃ bāna caḍhai jimi dāhēṃ. timi priyatama pada nēma nibāhēṃ..
bharata bacana suni mājha tribēnī. bhai mṛdu bāni sumaṃgala dēnī..
tāta bharata tumha saba bidhi sādhū. rāma carana anurāga agādhū..
bāda galāni karahu mana māhīṃ. tumha sama rāmahi kōu priya nāhīṃ..
चौपाई
pramudita tīratharāja nivāsī. baikhānasa baṭu gṛhī udāsī..
kahahiṃ parasapara mili dasa pāomcā. bharata sanēha sīlu suci sāomcā..
sunata rāma guna grāma suhāē. bharadvāja munibara pahiṃ āē..
daṃḍa pranāmu karata muni dēkhē. mūratimaṃta bhāgya nija lēkhē..
dhāi uṭhāi lāi ura līnhē. dīnhi asīsa kṛtāratha kīnhē..
āsanu dīnha nāi siru baiṭhē. cahata sakuca gṛhaom janu bhaji paiṭhē..
muni pūomchaba kachu yaha baḍa sōcū. bōlē riṣi lakhi sīlu saomkōcū..
sunahu bharata hama saba sudhi pāī. bidhi karataba para kichu na basāī..
