चौपाई
तब केवट ऊँचें चढ़ि धाई। कहेउ भरत सन भुजा उठाई।।
नाथ देखिअहिं बिटप बिसाला। पाकरि जंबु रसाल तमाला।।
जिन्ह तरुबरन्ह मध्य बटु सोहा। मंजु बिसाल देखि मनु मोहा।।
नील सघन पल्ल्व फल लाला। अबिरल छाहँ सुखद सब काला।।
मानहुँ तिमिर अरुनमय रासी। बिरची बिधि सँकेलि सुषमा सी।।
ए तरु सरित समीप गोसाँई। रघुबर परनकुटी जहँ छाई।।
तुलसी तरुबर बिबिध सुहाए। कहुँ कहुँ सियँ कहुँ लखन लगाए।।
बट छायाँ बेदिका बनाई। सियँ निज पानि सरोज सुहाई।।
दोहा/सोरठा
जहाँ बैठि मुनिगन सहित नित सिय रामु सुजान।
सुनहिं कथा इतिहास सब आगम निगम पुरान।।237।।
चौपाई
सखा बचन सुनि बिटप निहारी। उमगे भरत बिलोचन बारी।।
करत प्रनाम चले दोउ भाई। कहत प्रीति सारद सकुचाई।।
हरषहिं निरखि राम पद अंका। मानहुँ पारसु पायउ रंका।।
रज सिर धरि हियँ नयनन्हि लावहिं। रघुबर मिलन सरिस सुख पावहिं।।
देखि भरत गति अकथ अतीवा। प्रेम मगन मृग खग जड़ जीवा।।
सखहि सनेह बिबस मग भूला। कहि सुपंथ सुर बरषहिं फूला।।
निरखि सिद्ध साधक अनुरागे। सहज सनेहु सराहन लागे।।
होत न भूतल भाउ भरत को। अचर सचर चर अचर करत को।।
दोहा/सोरठा
पेम अमिअ मंदरु बिरहु भरतु पयोधि गँभीर।
मथि प्रगटेउ सुर साधु हित कृपासिंधु रघुबीर।।238।।
चौपाई
taba kēvaṭa ūomcēṃ caḍhai dhāī. kahēu bharata sana bhujā uṭhāī..
nātha dēkhiahiṃ biṭapa bisālā. pākari jaṃbu rasāla tamālā..
jinha tarubaranha madhya baṭu sōhā. maṃju bisāla dēkhi manu mōhā..
nīla saghana pallva phala lālā. abirala chāhaom sukhada saba kālā..
mānahuom timira arunamaya rāsī. biracī bidhi saomkēli suṣamā sī..
ē taru sarita samīpa gōsāomī. raghubara paranakuṭī jahaom chāī..
tulasī tarubara bibidha suhāē. kahuom kahuom siyaom kahuom lakhana lagāē..
baṭa chāyāom bēdikā banāī. siyaom nija pāni sarōja suhāī..
चौपाई
sakhā bacana suni biṭapa nihārī. umagē bharata bilōcana bārī..
karata pranāma calē dōu bhāī. kahata prīti sārada sakucāī..
haraṣahiṃ nirakhi rāma pada aṃkā. mānahuom pārasu pāyau raṃkā..
raja sira dhari hiyaom nayananhi lāvahiṃ. raghubara milana sarisa sukha pāvahiṃ..
dēkhi bharata gati akatha atīvā. prēma magana mṛga khaga jaḍa jīvā..
sakhahi sanēha bibasa maga bhūlā. kahi supaṃtha sura baraṣahiṃ phūlā..
nirakhi siddha sādhaka anurāgē. sahaja sanēhu sarāhana lāgē..
hōta na bhūtala bhāu bharata kō. acara sacara cara acara karata kō..
