चौपाई
सखा समेत मनोहर जोटा। लखेउ न लखन सघन बन ओटा।।
भरत दीख प्रभु आश्रमु पावन। सकल सुमंगल सदनु सुहावन।।
करत प्रबेस मिटे दुख दावा। जनु जोगीं परमारथु पावा।।
देखे भरत लखन प्रभु आगे। पूँछे बचन कहत अनुरागे।।
सीस जटा कटि मुनि पट बाँधें। तून कसें कर सरु धनु काँधें।।
बेदी पर मुनि साधु समाजू। सीय सहित राजत रघुराजू।।
बलकल बसन जटिल तनु स्यामा। जनु मुनि बेष कीन्ह रति कामा।।
कर कमलनि धनु सायकु फेरत। जिय की जरनि हरत हँसि हेरत।।
दोहा/सोरठा
लसत मंजु मुनि मंडली मध्य सीय रघुचंदु।
ग्यान सभाँ जनु तनु धरे भगति सच्चिदानंदु।।239।।
चौपाई
सानुज सखा समेत मगन मन। बिसरे हरष सोक सुख दुख गन।।
पाहि नाथ कहि पाहि गोसाई। भूतल परे लकुट की नाई।।
बचन सपेम लखन पहिचाने। करत प्रनामु भरत जियँ जाने।।
बंधु सनेह सरस एहि ओरा। उत साहिब सेवा बस जोरा।।
मिलि न जाइ नहिं गुदरत बनई। सुकबि लखन मन की गति भनई।।
रहे राखि सेवा पर भारू। चढ़ी चंग जनु खैंच खेलारू।।
कहत सप्रेम नाइ महि माथा। भरत प्रनाम करत रघुनाथा।।
उठे रामु सुनि पेम अधीरा। कहुँ पट कहुँ निषंग धनु तीरा।।
दोहा/सोरठा
बरबस लिए उठाइ उर लाए कृपानिधान।
भरत राम की मिलनि लखि बिसरे सबहि अपान।।240।।
चौपाई
sakhā samēta manōhara jōṭā. lakhēu na lakhana saghana bana ōṭā..
bharata dīkha prabhu āśramu pāvana. sakala sumaṃgala sadanu suhāvana..
karata prabēsa miṭē dukha dāvā. janu jōgīṃ paramārathu pāvā..
dēkhē bharata lakhana prabhu āgē. pūomchē bacana kahata anurāgē..
sīsa jaṭā kaṭi muni paṭa bāomdhēṃ. tūna kasēṃ kara saru dhanu kāomdhēṃ..
bēdī para muni sādhu samājū. sīya sahita rājata raghurājū..
balakala basana jaṭila tanu syāmā. janu muni bēṣa kīnha rati kāmā..
kara kamalani dhanu sāyaku phērata. jiya kī jarani harata haomsi hērata..
चौपाई
sānuja sakhā samēta magana mana. bisarē haraṣa sōka sukha dukha gana..
pāhi nātha kahi pāhi gōsāī. bhūtala parē lakuṭa kī nāī..
bacana sapēma lakhana pahicānē. karata pranāmu bharata jiyaom jānē..
baṃdhu sanēha sarasa ēhi ōrā. uta sāhiba sēvā basa jōrā..
mili na jāi nahiṃ gudarata banaī. sukabi lakhana mana kī gati bhanaī..
rahē rākhi sēvā para bhārū. caḍhaī caṃga janu khaiṃca khēlārū..
kahata saprēma nāi mahi māthā. bharata pranāma karata raghunāthā..
uṭhē rāmu suni pēma adhīrā. kahuom paṭa kahuom niṣaṃga dhanu tīrā..
