चौपाई
मिलनि प्रीति किमि जाइ बखानी। कबिकुल अगम करम मन बानी।।
परम पेम पूरन दोउ भाई। मन बुधि चित अहमिति बिसराई।।
कहहु सुपेम प्रगट को करई। केहि छाया कबि मति अनुसरई।।
कबिहि अरथ आखर बलु साँचा। अनुहरि ताल गतिहि नटु नाचा।।
अगम सनेह भरत रघुबर को। जहँ न जाइ मनु बिधि हरि हर को।।
सो मैं कुमति कहौं केहि भाँती। बाज सुराग कि गाँडर ताँती।।
मिलनि बिलोकि भरत रघुबर की। सुरगन सभय धकधकी धरकी।।
समुझाए सुरगुरु जड़ जागे। बरषि प्रसून प्रसंसन लागे।।
दोहा/सोरठा
मिलि सपेम रिपुसूदनहि केवटु भेंटेउ राम।
भूरि भायँ भेंटे भरत लछिमन करत प्रनाम।।241।।
चौपाई
भेंटेउ लखन ललकि लघु भाई। बहुरि निषादु लीन्ह उर लाई।।
पुनि मुनिगन दुहुँ भाइन्ह बंदे। अभिमत आसिष पाइ अनंदे।।
सानुज भरत उमगि अनुरागा। धरि सिर सिय पद पदुम परागा।।
पुनि पुनि करत प्रनाम उठाए। सिर कर कमल परसि बैठाए।।
सीयँ असीस दीन्हि मन माहीं। मगन सनेहँ देह सुधि नाहीं।।
सब बिधि सानुकूल लखि सीता। भे निसोच उर अपडर बीता।।
कोउ किछु कहइ न कोउ किछु पूँछा। प्रेम भरा मन निज गति छूँछा।।
तेहि अवसर केवटु धीरजु धरि। जोरि पानि बिनवत प्रनामु करि।।
दोहा/सोरठा
नाथ साथ मुनिनाथ के मातु सकल पुर लोग।
सेवक सेनप सचिव सब आए बिकल बियोग।।242।।
चौपाई
milani prīti kimi jāi bakhānī. kabikula agama karama mana bānī..
parama pēma pūrana dōu bhāī. mana budhi cita ahamiti bisarāī..
kahahu supēma pragaṭa kō karaī. kēhi chāyā kabi mati anusaraī..
kabihi aratha ākhara balu sāomcā. anuhari tāla gatihi naṭu nācā..
agama sanēha bharata raghubara kō. jahaom na jāi manu bidhi hari hara kō..
sō maiṃ kumati kahauṃ kēhi bhāomtī. bāja surāga ki gāomḍara tāomtī..
milani bilōki bharata raghubara kī. suragana sabhaya dhakadhakī dharakī..
samujhāē suraguru jaḍa jāgē. baraṣi prasūna prasaṃsana lāgē..
चौपाई
bhēṃṭēu lakhana lalaki laghu bhāī. bahuri niṣādu līnha ura lāī..
puni munigana duhuom bhāinha baṃdē. abhimata āsiṣa pāi anaṃdē..
sānuja bharata umagi anurāgā. dhari sira siya pada paduma parāgā..
puni puni karata pranāma uṭhāē. sira kara kamala parasi baiṭhāē..
sīyaom asīsa dīnhi mana māhīṃ. magana sanēhaom dēha sudhi nāhīṃ..
saba bidhi sānukūla lakhi sītā. bhē nisōca ura apaḍara bītā..
kōu kichu kahai na kōu kichu pūomchā. prēma bharā mana nija gati chūomchā..
tēhi avasara kēvaṭu dhīraju dhari. jōri pāni binavata pranāmu kari..
