चौपाई
सीलसिंधु सुनि गुर आगवनू। सिय समीप राखे रिपुदवनू।।
चले सबेग रामु तेहि काला। धीर धरम धुर दीनदयाला।।
गुरहि देखि सानुज अनुरागे। दंड प्रनाम करन प्रभु लागे।।
मुनिबर धाइ लिए उर लाई। प्रेम उमगि भेंटे दोउ भाई।।
प्रेम पुलकि केवट कहि नामू। कीन्ह दूरि तें दंड प्रनामू।।
रामसखा रिषि बरबस भेंटा। जनु महि लुठत सनेह समेटा।।
रघुपति भगति सुमंगल मूला। नभ सराहि सुर बरिसहिं फूला।।
एहि सम निपट नीच कोउ नाहीं। बड़ बसिष्ठ सम को जग माहीं।।
दोहा/सोरठा
जेहि लखि लखनहु तें अधिक मिले मुदित मुनिराउ।
सो सीतापति भजन को प्रगट प्रताप प्रभाउ।।243।।
चौपाई
आरत लोग राम सबु जाना। करुनाकर सुजान भगवाना।।
जो जेहि भायँ रहा अभिलाषी। तेहि तेहि कै तसि तसि रुख राखी।।
सानुज मिलि पल महु सब काहू। कीन्ह दूरि दुखु दारुन दाहू।।
यह बड़ि बातँ राम कै नाहीं। जिमि घट कोटि एक रबि छाहीं।।
मिलि केवटिहि उमगि अनुरागा। पुरजन सकल सराहहिं भागा।।
देखीं राम दुखित महतारीं। जनु सुबेलि अवलीं हिम मारीं।।
प्रथम राम भेंटी कैकेई। सरल सुभायँ भगति मति भेई।।
पग परि कीन्ह प्रबोधु बहोरी। काल करम बिधि सिर धरि खोरी।।
दोहा/सोरठा
भेटीं रघुबर मातु सब करि प्रबोधु परितोषु।।
अंब ईस आधीन जगु काहु न देइअ दोषु।।244।।
चौपाई
sīlasiṃdhu suni gura āgavanū. siya samīpa rākhē ripudavanū..
calē sabēga rāmu tēhi kālā. dhīra dharama dhura dīnadayālā..
gurahi dēkhi sānuja anurāgē. daṃḍa pranāma karana prabhu lāgē..
munibara dhāi liē ura lāī. prēma umagi bhēṃṭē dōu bhāī..
prēma pulaki kēvaṭa kahi nāmū. kīnha dūri tēṃ daṃḍa pranāmū..
rāmasakhā riṣi barabasa bhēṃṭā. janu mahi luṭhata sanēha samēṭā..
raghupati bhagati sumaṃgala mūlā. nabha sarāhi sura barisahiṃ phūlā..
ēhi sama nipaṭa nīca kōu nāhīṃ. baḍa basiṣṭha sama kō jaga māhīṃ..
चौपाई
ārata lōga rāma sabu jānā. karunākara sujāna bhagavānā..
jō jēhi bhāyaom rahā abhilāṣī. tēhi tēhi kai tasi tasi rukha rākhī..
sānuja mili pala mahu saba kāhū. kīnha dūri dukhu dāruna dāhū..
yaha baḍai bātaom rāma kai nāhīṃ. jimi ghaṭa kōṭi ēka rabi chāhīṃ..
mili kēvaṭihi umagi anurāgā. purajana sakala sarāhahiṃ bhāgā..
dēkhīṃ rāma dukhita mahatārīṃ. janu subēli avalīṃ hima mārīṃ..
prathama rāma bhēṃṭī kaikēī. sarala subhāyaom bhagati mati bhēī..
paga pari kīnha prabōdhu bahōrī. kāla karama bidhi sira dhari khōrī..
