चौपाई
बिकल सनेहँ सीय सब रानीं। बैठन सबहि कहेउ गुर ग्यानीं।।
कहि जग गति मायिक मुनिनाथा। कहे कछुक परमारथ गाथा।।
नृप कर सुरपुर गवनु सुनावा। सुनि रघुनाथ दुसह दुखु पावा।।
मरन हेतु निज नेहु बिचारी। भे अति बिकल धीर धुर धारी।।
कुलिस कठोर सुनत कटु बानी। बिलपत लखन सीय सब रानी।।
सोक बिकल अति सकल समाजू। मानहुँ राजु अकाजेउ आजू।।
मुनिबर बहुरि राम समुझाए। सहित समाज सुसरित नहाए।।
ब्रतु निरंबु तेहि दिन प्रभु कीन्हा। मुनिहु कहें जलु काहुँ न लीन्हा।।
दोहा/सोरठा
भोरु भएँ रघुनंदनहि जो मुनि आयसु दीन्ह।।
श्रद्धा भगति समेत प्रभु सो सबु सादरु कीन्ह।।247।।
चौपाई
करि पितु क्रिया बेद जसि बरनी। भे पुनीत पातक तम तरनी।।
जासु नाम पावक अघ तूला। सुमिरत सकल सुमंगल मूला।।
सुद्ध सो भयउ साधु संमत अस। तीरथ आवाहन सुरसरि जस।।
सुद्ध भएँ दुइ बासर बीते। बोले गुर सन राम पिरीते।।
नाथ लोग सब निपट दुखारी। कंद मूल फल अंबु अहारी।।
सानुज भरतु सचिव सब माता। देखि मोहि पल जिमि जुग जाता।।
सब समेत पुर धारिअ पाऊ। आपु इहाँ अमरावति राऊ।।
बहुत कहेउँ सब कियउँ ढिठाई। उचित होइ तस करिअ गोसाँई।।
दोहा/सोरठा
धर्म सेतु करुनायतन कस न कहहु अस राम।
लोग दुखित दिन दुइ दरस देखि लहहुँ बिश्राम।।248।।
चौपाई
bikala sanēhaom sīya saba rānīṃ. baiṭhana sabahi kahēu gura gyānīṃ..
kahi jaga gati māyika munināthā. kahē kachuka paramāratha gāthā..
nṛpa kara surapura gavanu sunāvā. suni raghunātha dusaha dukhu pāvā..
marana hētu nija nēhu bicārī. bhē ati bikala dhīra dhura dhārī..
kulisa kaṭhōra sunata kaṭu bānī. bilapata lakhana sīya saba rānī..
sōka bikala ati sakala samājū. mānahuom rāju akājēu ājū..
munibara bahuri rāma samujhāē. sahita samāja susarita nahāē..
bratu niraṃbu tēhi dina prabhu kīnhā. munihu kahēṃ jalu kāhuom na līnhā..
चौपाई
kari pitu kriyā bēda jasi baranī. bhē punīta pātaka tama taranī..
jāsu nāma pāvaka agha tūlā. sumirata sakala sumaṃgala mūlā..
suddha sō bhayau sādhu saṃmata asa. tīratha āvāhana surasari jasa..
suddha bhaēom dui bāsara bītē. bōlē gura sana rāma pirītē..
nātha lōga saba nipaṭa dukhārī. kaṃda mūla phala aṃbu ahārī..
sānuja bharatu saciva saba mātā. dēkhi mōhi pala jimi juga jātā..
saba samēta pura dhāria pāū. āpu ihāom amarāvati rāū..
bahuta kahēuom saba kiyauom ḍhiṭhāī. ucita hōi tasa karia gōsāomī..
