चौपाई
तुम्ह प्रिय पाहुने बन पगु धारे। सेवा जोगु न भाग हमारे।।
देब काह हम तुम्हहि गोसाँई। ईधनु पात किरात मिताई।।
यह हमारि अति बड़ि सेवकाई। लेहि न बासन बसन चोराई।।
हम जड़ जीव जीव गन घाती। कुटिल कुचाली कुमति कुजाती।।
पाप करत निसि बासर जाहीं। नहिं पट कटि नहि पेट अघाहीं।।
सपोनेहुँ धरम बुद्धि कस काऊ। यह रघुनंदन दरस प्रभाऊ।।
जब तें प्रभु पद पदुम निहारे। मिटे दुसह दुख दोष हमारे।।
बचन सुनत पुरजन अनुरागे। तिन्ह के भाग सराहन लागे।।
चौपाई
पुर जन नारि मगन अति प्रीती। बासर जाहिं पलक सम बीती।।
सीय सासु प्रति बेष बनाई। सादर करइ सरिस सेवकाई।।
लखा न मरमु राम बिनु काहूँ। माया सब सिय माया माहूँ।।
सीयँ सासु सेवा बस कीन्हीं। तिन्ह लहि सुख सिख आसिष दीन्हीं।।
लखि सिय सहित सरल दोउ भाई। कुटिल रानि पछितानि अघाई।।
अवनि जमहि जाचति कैकेई। महि न बीचु बिधि मीचु न देई।।
लोकहुँ बेद बिदित कबि कहहीं। राम बिमुख थलु नरक न लहहीं।।
यहु संसउ सब के मन माहीं। राम गवनु बिधि अवध कि नाहीं।।
दोहा/सोरठा
निसि न नीद नहिं भूख दिन भरतु बिकल सुचि सोच।
नीच कीच बिच मगन जस मीनहि सलिल सँकोच।।252।।
चौपाई
tumha priya pāhunē bana pagu dhārē. sēvā jōgu na bhāga hamārē..
dēba kāha hama tumhahi gōsāomī. īdhanu pāta kirāta mitāī..
yaha hamāri ati baḍai sēvakāī. lēhi na bāsana basana cōrāī..
hama jaḍa jīva jīva gana ghātī. kuṭila kucālī kumati kujātī..
pāpa karata nisi bāsara jāhīṃ. nahiṃ paṭa kaṭi nahi pēṭa aghāhīṃ..
sapōnēhuom dharama buddhi kasa kāū. yaha raghunaṃdana darasa prabhāū..
jaba tēṃ prabhu pada paduma nihārē. miṭē dusaha dukha dōṣa hamārē..
bacana sunata purajana anurāgē. tinha kē bhāga sarāhana lāgē..
चौपाई
pura jana nāri magana ati prītī. bāsara jāhiṃ palaka sama bītī..
sīya sāsu prati bēṣa banāī. sādara karai sarisa sēvakāī..
lakhā na maramu rāma binu kāhūom. māyā saba siya māyā māhūom..
sīyaom sāsu sēvā basa kīnhīṃ. tinha lahi sukha sikha āsiṣa dīnhīṃ..
lakhi siya sahita sarala dōu bhāī. kuṭila rāni pachitāni aghāī..
avani jamahi jācati kaikēī. mahi na bīcu bidhi mīcu na dēī..
lōkahuom bēda bidita kabi kahahīṃ. rāma bimukha thalu naraka na lahahīṃ..
yahu saṃsau saba kē mana māhīṃ. rāma gavanu bidhi avadha ki nāhīṃ..
