चौपाई
गरइ गलानि कुटिल कैकेई। काहि कहै केहि दूषनु देई।।
अस मन आनि मुदित नर नारी। भयउ बहोरि रहब दिन चारी।।
एहि प्रकार गत बासर सोऊ। प्रात नहान लाग सबु कोऊ।।
करि मज्जनु पूजहिं नर नारी। गनप गौरि तिपुरारि तमारी।।
रमा रमन पद बंदि बहोरी। बिनवहिं अंजुलि अंचल जोरी।।
राजा रामु जानकी रानी। आनँद अवधि अवध रजधानी।।
सुबस बसउ फिरि सहित समाजा। भरतहि रामु करहुँ जुबराजा।।
एहि सुख सुधाँ सींची सब काहू। देव देहु जग जीवन लाहू।।
दोहा/सोरठा
गुर समाज भाइन्ह सहित राम राजु पुर होउ।
अछत राम राजा अवध मरिअ माग सबु कोउ।।273।।
चौपाई
सुनि सनेहमय पुरजन बानी। निंदहिं जोग बिरति मुनि ग्यानी।।
एहि बिधि नित्यकरम करि पुरजन। रामहि करहिं प्रनाम पुलकि तन।।
ऊँच नीच मध्यम नर नारी। लहहिं दरसु निज निज अनुहारी।।
सावधान सबही सनमानहिं। सकल सराहत कृपानिधानहिं।।
लरिकाइहि ते रघुबर बानी। पालत नीति प्रीति पहिचानी।।
सील सकोच सिंधु रघुराऊ। सुमुख सुलोचन सरल सुभाऊ।।
कहत राम गुन गन अनुरागे। सब निज भाग सराहन लागे।।
हम सम पुन्य पुंज जग थोरे। जिन्हहि रामु जानत करि मोरे।।
दोहा/सोरठा
प्रेम मगन तेहि समय सब सुनि आवत मिथिलेसु।
सहित सभा संभ्रम उठेउ रबिकुल कमल दिनेसु।।274।।
चौपाई
garai galāni kuṭila kaikēī. kāhi kahai kēhi dūṣanu dēī..
asa mana āni mudita nara nārī. bhayau bahōri rahaba dina cārī..
ēhi prakāra gata bāsara sōū. prāta nahāna lāga sabu kōū..
kari majjanu pūjahiṃ nara nārī. ganapa gauri tipurāri tamārī..
ramā ramana pada baṃdi bahōrī. binavahiṃ aṃjuli aṃcala jōrī..
rājā rāmu jānakī rānī. ānaomda avadhi avadha rajadhānī..
subasa basau phiri sahita samājā. bharatahi rāmu karahuom jubarājā..
ēhi sukha sudhāom sīṃcī saba kāhū. dēva dēhu jaga jīvana lāhū..
चौपाई
suni sanēhamaya purajana bānī. niṃdahiṃ jōga birati muni gyānī..
ēhi bidhi nityakarama kari purajana. rāmahi karahiṃ pranāma pulaki tana..
ūomca nīca madhyama nara nārī. lahahiṃ darasu nija nija anuhārī..
sāvadhāna sabahī sanamānahiṃ. sakala sarāhata kṛpānidhānahiṃ..
larikāihi tē raghubara bānī. pālata nīti prīti pahicānī..
sīla sakōca siṃdhu raghurāū. sumukha sulōcana sarala subhāū..
kahata rāma guna gana anurāgē. saba nija bhāga sarāhana lāgē..
hama sama punya puṃja jaga thōrē. jinhahi rāmu jānata kari mōrē..
