चौपाई
प्रभु पद पदुम पराग दोहाई। सत्य सुकृत सुख सीवँ सुहाई।।
सो करि कहउँ हिए अपने की। रुचि जागत सोवत सपने की।।
सहज सनेहँ स्वामि सेवकाई। स्वारथ छल फल चारि बिहाई।।
अग्या सम न सुसाहिब सेवा। सो प्रसादु जन पावै देवा।।
अस कहि प्रेम बिबस भए भारी। पुलक सरीर बिलोचन बारी।।
प्रभु पद कमल गहे अकुलाई। समउ सनेहु न सो कहि जाई।।
कृपासिंधु सनमानि सुबानी। बैठाए समीप गहि पानी।।
भरत बिनय सुनि देखि सुभाऊ। सिथिल सनेहँ सभा रघुराऊ।।
चौपाई
कपट कुचालि सीवँ सुरराजू। पर अकाज प्रिय आपन काजू।।
काक समान पाकरिपु रीती। छली मलीन कतहुँ न प्रतीती।।
प्रथम कुमत करि कपटु सँकेला। सो उचाटु सब कें सिर मेला।।
सुरमायाँ सब लोग बिमोहे। राम प्रेम अतिसय न बिछोहे।।
भय उचाट बस मन थिर नाहीं। छन बन रुचि छन सदन सोहाहीं।।
दुबिध मनोगति प्रजा दुखारी। सरित सिंधु संगम जनु बारी।।
दुचित कतहुँ परितोषु न लहहीं। एक एक सन मरमु न कहहीं।।
लखि हियँ हँसि कह कृपानिधानू। सरिस स्वान मघवान जुबानू।।
दोहा/सोरठा
भरतु जनकु मुनिजन सचिव साधु सचेत बिहाइ।
लागि देवमाया सबहि जथाजोगु जनु पाइ।।302।।
चौपाई
prabhu pada paduma parāga dōhāī. satya sukṛta sukha sīvaom suhāī..
sō kari kahauom hiē apanē kī. ruci jāgata sōvata sapanē kī..
sahaja sanēhaom svāmi sēvakāī. svāratha chala phala cāri bihāī..
agyā sama na susāhiba sēvā. sō prasādu jana pāvai dēvā..
asa kahi prēma bibasa bhaē bhārī. pulaka sarīra bilōcana bārī..
prabhu pada kamala gahē akulāī. samau sanēhu na sō kahi jāī..
kṛpāsiṃdhu sanamāni subānī. baiṭhāē samīpa gahi pānī..
bharata binaya suni dēkhi subhāū. sithila sanēhaom sabhā raghurāū..
चौपाई
kapaṭa kucāli sīvaom surarājū. para akāja priya āpana kājū..
kāka samāna pākaripu rītī. chalī malīna katahuom na pratītī..
prathama kumata kari kapaṭu saomkēlā. sō ucāṭu saba kēṃ sira mēlā..
suramāyāom saba lōga bimōhē. rāma prēma atisaya na bichōhē..
bhaya ucāṭa basa mana thira nāhīṃ. chana bana ruci chana sadana sōhāhīṃ..
dubidha manōgati prajā dukhārī. sarita siṃdhu saṃgama janu bārī..
ducita katahuom paritōṣu na lahahīṃ. ēka ēka sana maramu na kahahīṃ..
lakhi hiyaom haomsi kaha kṛpānidhānū. sarisa svāna maghavāna jubānū..
