चौपाई
कृपासिंधु लखि लोग दुखारे। निज सनेहँ सुरपति छल भारे।।
सभा राउ गुर महिसुर मंत्री। भरत भगति सब कै मति जंत्री।।
रामहि चितवत चित्र लिखे से। सकुचत बोलत बचन सिखे से।।
भरत प्रीति नति बिनय बड़ाई। सुनत सुखद बरनत कठिनाई।।
जासु बिलोकि भगति लवलेसू। प्रेम मगन मुनिगन मिथिलेसू।।
महिमा तासु कहै किमि तुलसी। भगति सुभायँ सुमति हियँ हुलसी।।
आपु छोटि महिमा बड़ि जानी। कबिकुल कानि मानि सकुचानी।।
कहि न सकति गुन रुचि अधिकाई। मति गति बाल बचन की नाई।।
दोहा/सोरठा
भरत बिमल जसु बिमल बिधु सुमति चकोरकुमारि।
उदित बिमल जन हृदय नभ एकटक रही निहारि।।303।।
चौपाई
भरत सुभाउ न सुगम निगमहूँ। लघु मति चापलता कबि छमहूँ।।
कहत सुनत सति भाउ भरत को। सीय राम पद होइ न रत को।।
सुमिरत भरतहि प्रेमु राम को। जेहि न सुलभ तेहि सरिस बाम को।।
देखि दयाल दसा सबही की। राम सुजान जानि जन जी की।।
धरम धुरीन धीर नय नागर। सत्य सनेह सील सुख सागर।।
देसु काल लखि समउ समाजू। नीति प्रीति पालक रघुराजू।।
बोले बचन बानि सरबसु से। हित परिनाम सुनत ससि रसु से।।
तात भरत तुम्ह धरम धुरीना। लोक बेद बिद प्रेम प्रबीना।।
दोहा/सोरठा
करम बचन मानस बिमल तुम्ह समान तुम्ह तात।
गुर समाज लघु बंधु गुन कुसमयँ किमि कहि जात।।304।।
चौपाई
kṛpāsiṃdhu lakhi lōga dukhārē. nija sanēhaom surapati chala bhārē..
sabhā rāu gura mahisura maṃtrī. bharata bhagati saba kai mati jaṃtrī..
rāmahi citavata citra likhē sē. sakucata bōlata bacana sikhē sē..
bharata prīti nati binaya baḍaāī. sunata sukhada baranata kaṭhināī..
jāsu bilōki bhagati lavalēsū. prēma magana munigana mithilēsū..
mahimā tāsu kahai kimi tulasī. bhagati subhāyaom sumati hiyaom hulasī..
āpu chōṭi mahimā baḍai jānī. kabikula kāni māni sakucānī..
kahi na sakati guna ruci adhikāī. mati gati bāla bacana kī nāī..
चौपाई
bharata subhāu na sugama nigamahūom. laghu mati cāpalatā kabi chamahūom..
kahata sunata sati bhāu bharata kō. sīya rāma pada hōi na rata kō..
sumirata bharatahi prēmu rāma kō. jēhi na sulabha tēhi sarisa bāma kō..
dēkhi dayāla dasā sabahī kī. rāma sujāna jāni jana jī kī..
dharama dhurīna dhīra naya nāgara. satya sanēha sīla sukha sāgara..
dēsu kāla lakhi samau samājū. nīti prīti pālaka raghurājū..
bōlē bacana bāni sarabasu sē. hita parināma sunata sasi rasu sē..
tāta bharata tumha dharama dhurīnā. lōka bēda bida prēma prabīnā..
