चौपाई
जानहु तात तरनि कुल रीती। सत्यसंध पितु कीरति प्रीती।।
समउ समाजु लाज गुरुजन की। उदासीन हित अनहित मन की।।
तुम्हहि बिदित सबही कर करमू। आपन मोर परम हित धरमू।।
मोहि सब भाँति भरोस तुम्हारा। तदपि कहउँ अवसर अनुसारा।।
तात तात बिनु बात हमारी। केवल गुरुकुल कृपाँ सँभारी।।
नतरु प्रजा परिजन परिवारू। हमहि सहित सबु होत खुआरू।।
जौं बिनु अवसर अथवँ दिनेसू। जग केहि कहहु न होइ कलेसू।।
तस उतपातु तात बिधि कीन्हा। मुनि मिथिलेस राखि सबु लीन्हा।।
दोहा/सोरठा
राज काज सब लाज पति धरम धरनि धन धाम।
गुर प्रभाउ पालिहि सबहि भल होइहि परिनाम।।305।।
चौपाई
सहित समाज तुम्हार हमारा। घर बन गुर प्रसाद रखवारा।।
मातु पिता गुर स्वामि निदेसू। सकल धरम धरनीधर सेसू।।
सो तुम्ह करहु करावहु मोहू। तात तरनिकुल पालक होहू।।
साधक एक सकल सिधि देनी। कीरति सुगति भूतिमय बेनी।।
सो बिचारि सहि संकटु भारी। करहु प्रजा परिवारु सुखारी।।
बाँटी बिपति सबहिं मोहि भाई। तुम्हहि अवधि भरि बड़ि कठिनाई।।
जानि तुम्हहि मृदु कहउँ कठोरा। कुसमयँ तात न अनुचित मोरा।।
होहिं कुठायँ सुबंधु सुहाए। ओड़िअहिं हाथ असनिहु के घाए।।
दोहा/सोरठा
सेवक कर पद नयन से मुख सो साहिबु होइ।
तुलसी प्रीति कि रीति सुनि सुकबि सराहहिं सोइ।।306।।
चौपाई
jānahu tāta tarani kula rītī. satyasaṃdha pitu kīrati prītī..
samau samāju lāja gurujana kī. udāsīna hita anahita mana kī..
tumhahi bidita sabahī kara karamū. āpana mōra parama hita dharamū..
mōhi saba bhāomti bharōsa tumhārā. tadapi kahauom avasara anusārā..
tāta tāta binu bāta hamārī. kēvala gurukula kṛpāom saombhārī..
nataru prajā parijana parivārū. hamahi sahita sabu hōta khuārū..
jauṃ binu avasara athavaom dinēsū. jaga kēhi kahahu na hōi kalēsū..
tasa utapātu tāta bidhi kīnhā. muni mithilēsa rākhi sabu līnhā..
चौपाई
sahita samāja tumhāra hamārā. ghara bana gura prasāda rakhavārā..
mātu pitā gura svāmi nidēsū. sakala dharama dharanīdhara sēsū..
sō tumha karahu karāvahu mōhū. tāta taranikula pālaka hōhū..
sādhaka ēka sakala sidhi dēnī. kīrati sugati bhūtimaya bēnī..
sō bicāri sahi saṃkaṭu bhārī. karahu prajā parivāru sukhārī..
bāomṭī bipati sabahiṃ mōhi bhāī. tumhahi avadhi bhari baḍai kaṭhināī..
jāni tumhahi mṛdu kahauom kaṭhōrā. kusamayaom tāta na anucita mōrā..
hōhiṃ kuṭhāyaom subaṃdhu suhāē. ōḍaiahiṃ hātha asanihu kē ghāē..
