चौपाई
धन्य भरत जय राम गोसाईं। कहत देव हरषत बरिआई।
मुनि मिथिलेस सभाँ सब काहू। भरत बचन सुनि भयउ उछाहू।।
भरत राम गुन ग्राम सनेहू। पुलकि प्रसंसत राउ बिदेहू।।
सेवक स्वामि सुभाउ सुहावन। नेमु पेमु अति पावन पावन।।
मति अनुसार सराहन लागे। सचिव सभासद सब अनुरागे।।
सुनि सुनि राम भरत संबादू। दुहु समाज हियँ हरषु बिषादू।।
राम मातु दुखु सुखु सम जानी। कहि गुन राम प्रबोधीं रानी।।
एक कहहिं रघुबीर बड़ाई। एक सराहत भरत भलाई।।
दोहा/सोरठा
अत्रि कहेउ तब भरत सन सैल समीप सुकूप।
राखिअ तीरथ तोय तहँ पावन अमिअ अनूप।।309।।
चौपाई
भरत अत्रि अनुसासन पाई। जल भाजन सब दिए चलाई।।
सानुज आपु अत्रि मुनि साधू। सहित गए जहँ कूप अगाधू।।
पावन पाथ पुन्यथल राखा। प्रमुदित प्रेम अत्रि अस भाषा।।
तात अनादि सिद्ध थल एहू। लोपेउ काल बिदित नहिं केहू।।
तब सेवकन्ह सरस थलु देखा। किन्ह सुजल हित कूप बिसेषा।।
बिधि बस भयउ बिस्व उपकारू। सुगम अगम अति धरम बिचारू।।
भरतकूप अब कहिहहिं लोगा। अति पावन तीरथ जल जोगा।।
प्रेम सनेम निमज्जत प्रानी। होइहहिं बिमल करम मन बानी।।
दोहा/सोरठा
कहत कूप महिमा सकल गए जहाँ रघुराउ।
अत्रि सुनायउ रघुबरहि तीरथ पुन्य प्रभाउ।।310।।
चौपाई
dhanya bharata jaya rāma gōsāīṃ. kahata dēva haraṣata bariāī.
muni mithilēsa sabhāom saba kāhū. bharata bacana suni bhayau uchāhū..
bharata rāma guna grāma sanēhū. pulaki prasaṃsata rāu bidēhū..
sēvaka svāmi subhāu suhāvana. nēmu pēmu ati pāvana pāvana..
mati anusāra sarāhana lāgē. saciva sabhāsada saba anurāgē..
suni suni rāma bharata saṃbādū. duhu samāja hiyaom haraṣu biṣādū..
rāma mātu dukhu sukhu sama jānī. kahi guna rāma prabōdhīṃ rānī..
ēka kahahiṃ raghubīra baḍaāī. ēka sarāhata bharata bhalāī..
चौपाई
bharata atri anusāsana pāī. jala bhājana saba diē calāī..
sānuja āpu atri muni sādhū. sahita gaē jahaom kūpa agādhū..
pāvana pātha punyathala rākhā. pramudita prēma atri asa bhāṣā..
tāta anādi siddha thala ēhū. lōpēu kāla bidita nahiṃ kēhū..
taba sēvakanha sarasa thalu dēkhā. kinha sujala hita kūpa bisēṣā..
bidhi basa bhayau bisva upakārū. sugama agama ati dharama bicārū..
bharatakūpa aba kahihahiṃ lōgā. ati pāvana tīratha jala jōgā..
prēma sanēma nimajjata prānī. hōihahiṃ bimala karama mana bānī..
