चौपाई
कहत धरम इतिहास सप्रीती। भयउ भोरु निसि सो सुख बीती।।
नित्य निबाहि भरत दोउ भाई। राम अत्रि गुर आयसु पाई।।
सहित समाज साज सब सादें। चले राम बन अटन पयादें।।
कोमल चरन चलत बिनु पनहीं। भइ मृदु भूमि सकुचि मन मनहीं।।
कुस कंटक काँकरीं कुराईं। कटुक कठोर कुबस्तु दुराईं।।
महि मंजुल मृदु मारग कीन्हे। बहत समीर त्रिबिध सुख लीन्हे।।
सुमन बरषि सुर घन करि छाहीं। बिटप फूलि फलि तृन मृदुताहीं।।
मृग बिलोकि खग बोलि सुबानी। सेवहिं सकल राम प्रिय जानी।।
दोहा/सोरठा
सुलभ सिद्धि सब प्राकृतहु राम कहत जमुहात।
राम प्रान प्रिय भरत कहुँ यह न होइ बड़ि बात।।311।।
चौपाई
एहि बिधि भरतु फिरत बन माहीं। नेमु प्रेमु लखि मुनि सकुचाहीं।।
पुन्य जलाश्रय भूमि बिभागा। खग मृग तरु तृन गिरि बन बागा।।
चारु बिचित्र पबित्र बिसेषी। बूझत भरतु दिब्य सब देखी।।
सुनि मन मुदित कहत रिषिराऊ। हेतु नाम गुन पुन्य प्रभाऊ।।
कतहुँ निमज्जन कतहुँ प्रनामा। कतहुँ बिलोकत मन अभिरामा।।
कतहुँ बैठि मुनि आयसु पाई। सुमिरत सीय सहित दोउ भाई।।
देखि सुभाउ सनेहु सुसेवा। देहिं असीस मुदित बनदेवा।।
फिरहिं गएँ दिनु पहर अढ़ाई। प्रभु पद कमल बिलोकहिं आई।।
दोहा/सोरठा
देखे थल तीरथ सकल भरत पाँच दिन माझ।
कहत सुनत हरि हर सुजसु गयउ दिवसु भइ साँझ।।312।।
चौपाई
kahata dharama itihāsa saprītī. bhayau bhōru nisi sō sukha bītī..
nitya nibāhi bharata dōu bhāī. rāma atri gura āyasu pāī..
sahita samāja sāja saba sādēṃ. calē rāma bana aṭana payādēṃ..
kōmala carana calata binu panahīṃ. bhai mṛdu bhūmi sakuci mana manahīṃ..
kusa kaṃṭaka kāomkarīṃ kurāīṃ. kaṭuka kaṭhōra kubastu durāīṃ..
mahi maṃjula mṛdu māraga kīnhē. bahata samīra tribidha sukha līnhē..
sumana baraṣi sura ghana kari chāhīṃ. biṭapa phūli phali tṛna mṛdutāhīṃ..
mṛga bilōki khaga bōli subānī. sēvahiṃ sakala rāma priya jānī..
चौपाई
ēhi bidhi bharatu phirata bana māhīṃ. nēmu prēmu lakhi muni sakucāhīṃ..
punya jalāśraya bhūmi bibhāgā. khaga mṛga taru tṛna giri bana bāgā..
cāru bicitra pabitra bisēṣī. būjhata bharatu dibya saba dēkhī..
suni mana mudita kahata riṣirāū. hētu nāma guna punya prabhāū..
katahuom nimajjana katahuom pranāmā. katahuom bilōkata mana abhirāmā..
katahuom baiṭhi muni āyasu pāī. sumirata sīya sahita dōu bhāī..
dēkhi subhāu sanēhu susēvā. dēhiṃ asīsa mudita banadēvā..
phirahiṃ gaēom dinu pahara aḍhaāī. prabhu pada kamala bilōkahiṃ āī..
