चौपाई
भोर न्हाइ सबु जुरा समाजू। भरत भूमिसुर तेरहुति राजू।।
भल दिन आजु जानि मन माहीं। रामु कृपाल कहत सकुचाहीं।।
गुर नृप भरत सभा अवलोकी। सकुचि राम फिरि अवनि बिलोकी।।
सील सराहि सभा सब सोची। कहुँ न राम सम स्वामि सँकोची।।
भरत सुजान राम रुख देखी। उठि सप्रेम धरि धीर बिसेषी।।
करि दंडवत कहत कर जोरी। राखीं नाथ सकल रुचि मोरी।।
मोहि लगि सहेउ सबहिं संतापू। बहुत भाँति दुखु पावा आपू।।
अब गोसाइँ मोहि देउ रजाई। सेवौं अवध अवधि भरि जाई।।
दोहा/सोरठा
जेहिं उपाय पुनि पाय जनु देखै दीनदयाल।
सो सिख देइअ अवधि लगि कोसलपाल कृपाल।।313।।
चौपाई
पुरजन परिजन प्रजा गोसाई। सब सुचि सरस सनेहँ सगाई।।
राउर बदि भल भव दुख दाहू। प्रभु बिनु बादि परम पद लाहू।।
स्वामि सुजानु जानि सब ही की। रुचि लालसा रहनि जन जी की।।
प्रनतपालु पालिहि सब काहू। देउ दुहू दिसि ओर निबाहू।।
अस मोहि सब बिधि भूरि भरोसो। किएँ बिचारु न सोचु खरो सो।।
आरति मोर नाथ कर छोहू। दुहुँ मिलि कीन्ह ढीठु हठि मोहू।।
यह बड़ दोषु दूरि करि स्वामी। तजि सकोच सिखइअ अनुगामी।।
भरत बिनय सुनि सबहिं प्रसंसी। खीर नीर बिबरन गति हंसी।।
दोहा/सोरठा
दीनबंधु सुनि बंधु के बचन दीन छलहीन।
देस काल अवसर सरिस बोले रामु प्रबीन।।314।।
चौपाई
bhōra nhāi sabu jurā samājū. bharata bhūmisura tērahuti rājū..
bhala dina āju jāni mana māhīṃ. rāmu kṛpāla kahata sakucāhīṃ..
gura nṛpa bharata sabhā avalōkī. sakuci rāma phiri avani bilōkī..
sīla sarāhi sabhā saba sōcī. kahuom na rāma sama svāmi saomkōcī..
bharata sujāna rāma rukha dēkhī. uṭhi saprēma dhari dhīra bisēṣī..
kari daṃḍavata kahata kara jōrī. rākhīṃ nātha sakala ruci mōrī..
mōhi lagi sahēu sabahiṃ saṃtāpū. bahuta bhāomti dukhu pāvā āpū..
aba gōsāiom mōhi dēu rajāī. sēvauṃ avadha avadhi bhari jāī..
चौपाई
purajana parijana prajā gōsāī. saba suci sarasa sanēhaom sagāī..
rāura badi bhala bhava dukha dāhū. prabhu binu bādi parama pada lāhū..
svāmi sujānu jāni saba hī kī. ruci lālasā rahani jana jī kī..
pranatapālu pālihi saba kāhū. dēu duhū disi ōra nibāhū..
asa mōhi saba bidhi bhūri bharōsō. kiēom bicāru na sōcu kharō sō..
ārati mōra nātha kara chōhū. duhuom mili kīnha ḍhīṭhu haṭhi mōhū..
yaha baḍa dōṣu dūri kari svāmī. taji sakōca sikhaia anugāmī..
bharata binaya suni sabahiṃ prasaṃsī. khīra nīra bibarana gati haṃsī..
