चौपाई
तात तुम्हारि मोरि परिजन की। चिंता गुरहि नृपहि घर बन की।।
माथे पर गुर मुनि मिथिलेसू। हमहि तुम्हहि सपनेहुँ न कलेसू।।
मोर तुम्हार परम पुरुषारथु। स्वारथु सुजसु धरमु परमारथु।।
पितु आयसु पालिहिं दुहु भाई। लोक बेद भल भूप भलाई।।
गुर पितु मातु स्वामि सिख पालें। चलेहुँ कुमग पग परहिं न खालें।।
अस बिचारि सब सोच बिहाई। पालहु अवध अवधि भरि जाई।।
देसु कोसु परिजन परिवारू। गुर पद रजहिं लाग छरुभारू।।
तुम्ह मुनि मातु सचिव सिख मानी। पालेहु पुहुमि प्रजा रजधानी।।
दोहा/सोरठा
मुखिआ मुखु सो चाहिऐ खान पान कहुँ एक।
पालइ पोषइ सकल अँग तुलसी सहित बिबेक।।315।।
चौपाई
राजधरम सरबसु एतनोई। जिमि मन माहँ मनोरथ गोई।।
बंधु प्रबोधु कीन्ह बहु भाँती। बिनु अधार मन तोषु न साँती।।
भरत सील गुर सचिव समाजू। सकुच सनेह बिबस रघुराजू।।
प्रभु करि कृपा पाँवरीं दीन्हीं। सादर भरत सीस धरि लीन्हीं।।
चरनपीठ करुनानिधान के। जनु जुग जामिक प्रजा प्रान के।।
संपुट भरत सनेह रतन के। आखर जुग जुन जीव जतन के।।
कुल कपाट कर कुसल करम के। बिमल नयन सेवा सुधरम के।।
भरत मुदित अवलंब लहे तें। अस सुख जस सिय रामु रहे तें।।
दोहा/सोरठा
मागेउ बिदा प्रनामु करि राम लिए उर लाइ।
लोग उचाटे अमरपति कुटिल कुअवसरु पाइ।।316।।
चौपाई
tāta tumhāri mōri parijana kī. ciṃtā gurahi nṛpahi ghara bana kī..
māthē para gura muni mithilēsū. hamahi tumhahi sapanēhuom na kalēsū..
mōra tumhāra parama puruṣārathu. svārathu sujasu dharamu paramārathu..
pitu āyasu pālihiṃ duhu bhāī. lōka bēda bhala bhūpa bhalāī..
gura pitu mātu svāmi sikha pālēṃ. calēhuom kumaga paga parahiṃ na khālēṃ..
asa bicāri saba sōca bihāī. pālahu avadha avadhi bhari jāī..
dēsu kōsu parijana parivārū. gura pada rajahiṃ lāga charubhārū..
tumha muni mātu saciva sikha mānī. pālēhu puhumi prajā rajadhānī..
चौपाई
rājadharama sarabasu ētanōī. jimi mana māhaom manōratha gōī..
baṃdhu prabōdhu kīnha bahu bhāomtī. binu adhāra mana tōṣu na sāomtī..
bharata sīla gura saciva samājū. sakuca sanēha bibasa raghurājū..
prabhu kari kṛpā pāomvarīṃ dīnhīṃ. sādara bharata sīsa dhari līnhīṃ..
caranapīṭha karunānidhāna kē. janu juga jāmika prajā prāna kē..
saṃpuṭa bharata sanēha ratana kē. ākhara juga juna jīva jatana kē..
kula kapāṭa kara kusala karama kē. bimala nayana sēvā sudharama kē..
bharata mudita avalaṃba lahē tēṃ. asa sukha jasa siya rāmu rahē tēṃ..
