चौपाई
सो कुचालि सब कहँ भइ नीकी। अवधि आस सम जीवनि जी की।।
नतरु लखन सिय सम बियोगा। हहरि मरत सब लोग कुरोगा।।
रामकृपाँ अवरेब सुधारी। बिबुध धारि भइ गुनद गोहारी।।
भेंटत भुज भरि भाइ भरत सो। राम प्रेम रसु कहि न परत सो।।
तन मन बचन उमग अनुरागा। धीर धुरंधर धीरजु त्यागा।।
बारिज लोचन मोचत बारी। देखि दसा सुर सभा दुखारी।।
मुनिगन गुर धुर धीर जनक से। ग्यान अनल मन कसें कनक से।।
जे बिरंचि निरलेप उपाए। पदुम पत्र जिमि जग जल जाए।।
दोहा/सोरठा
तेउ बिलोकि रघुबर भरत प्रीति अनूप अपार।
भए मगन मन तन बचन सहित बिराग बिचार।।317।।
चौपाई
जहाँ जनक गुर मति भोरी। प्राकृत प्रीति कहत बड़ि खोरी।।
बरनत रघुबर भरत बियोगू। सुनि कठोर कबि जानिहि लोगू।।
सो सकोच रसु अकथ सुबानी। समउ सनेहु सुमिरि सकुचानी।।
भेंटि भरत रघुबर समुझाए। पुनि रिपुदवनु हरषि हियँ लाए।।
सेवक सचिव भरत रुख पाई। निज निज काज लगे सब जाई।।
सुनि दारुन दुखु दुहूँ समाजा। लगे चलन के साजन साजा।।
प्रभु पद पदुम बंदि दोउ भाई। चले सीस धरि राम रजाई।।
मुनि तापस बनदेव निहोरी। सब सनमानि बहोरि बहोरी।।
दोहा/सोरठा
लखनहि भेंटि प्रनामु करि सिर धरि सिय पद धूरि।
चले सप्रेम असीस सुनि सकल सुमंगल मूरि।।318।।
चौपाई
sō kucāli saba kahaom bhai nīkī. avadhi āsa sama jīvani jī kī..
nataru lakhana siya sama biyōgā. hahari marata saba lōga kurōgā..
rāmakṛpāom avarēba sudhārī. bibudha dhāri bhai gunada gōhārī..
bhēṃṭata bhuja bhari bhāi bharata sō. rāma prēma rasu kahi na parata sō..
tana mana bacana umaga anurāgā. dhīra dhuraṃdhara dhīraju tyāgā..
bārija lōcana mōcata bārī. dēkhi dasā sura sabhā dukhārī..
munigana gura dhura dhīra janaka sē. gyāna anala mana kasēṃ kanaka sē..
jē biraṃci niralēpa upāē. paduma patra jimi jaga jala jāē..
चौपाई
jahāom janaka gura mati bhōrī. prākṛta prīti kahata baḍai khōrī..
baranata raghubara bharata biyōgū. suni kaṭhōra kabi jānihi lōgū..
sō sakōca rasu akatha subānī. samau sanēhu sumiri sakucānī..
bhēṃṭi bharata raghubara samujhāē. puni ripudavanu haraṣi hiyaom lāē..
sēvaka saciva bharata rukha pāī. nija nija kāja lagē saba jāī..
suni dāruna dukhu duhūom samājā. lagē calana kē sājana sājā..
prabhu pada paduma baṃdi dōu bhāī. calē sīsa dhari rāma rajāī..
muni tāpasa banadēva nihōrī. saba sanamāni bahōri bahōrī..
