चौपाई
अजसु होउ जग सुजसु नसाऊ। नरक परौ बरु सुरपुरु जाऊ।।
सब दुख दुसह सहावहु मोही। लोचन ओट रामु जनि होंही।।
अस मन गुनइ राउ नहिं बोला। पीपर पात सरिस मनु डोला।।
रघुपति पितहि प्रेमबस जानी। पुनि कछु कहिहि मातु अनुमानी।।
देस काल अवसर अनुसारी। बोले बचन बिनीत बिचारी।।
तात कहउँ कछु करउँ ढिठाई। अनुचितु छमब जानि लरिकाई।।
अति लघु बात लागि दुखु पावा। काहुँ न मोहि कहि प्रथम जनावा।।
देखि गोसाइँहि पूँछिउँ माता। सुनि प्रसंगु भए सीतल गाता।।
दोहा/सोरठा
मंगल समय सनेह बस सोच परिहरिअ तात।
आयसु देइअ हरषि हियँ कहि पुलके प्रभु गात।।45।।
चौपाई
धन्य जनमु जगतीतल तासू। पितहि प्रमोदु चरित सुनि जासू।।
चारि पदारथ करतल ताकें। प्रिय पितु मातु प्रान सम जाकें।।
आयसु पालि जनम फलु पाई। ऐहउँ बेगिहिं होउ रजाई।।
बिदा मातु सन आवउँ मागी। चलिहउँ बनहि बहुरि पग लागी।।
अस कहि राम गवनु तब कीन्हा। भूप सोक बसु उतरु न दीन्हा।।
नगर ब्यापि गइ बात सुतीछी। छुअत चढ़ी जनु सब तन बीछी।।
सुनि भए बिकल सकल नर नारी। बेलि बिटप जिमि देखि दवारी।।
जो जहँ सुनइ धुनइ सिरु सोई। बड़ बिषादु नहिं धीरजु होई।।
दोहा/सोरठा
मुख सुखाहिं लोचन स्त्रवहि सोकु न हृदयँ समाइ।
मनहुँ करुन रस कटकई उतरी अवध बजाइ।।46।।
चौपाई
ajasu hōu jaga sujasu nasāū. naraka parau baru surapuru jāū..
saba dukha dusaha sahāvahu mōhī. lōcana ōṭa rāmu jani hōṃhī..
asa mana gunai rāu nahiṃ bōlā. pīpara pāta sarisa manu ḍōlā..
raghupati pitahi prēmabasa jānī. puni kachu kahihi mātu anumānī..
dēsa kāla avasara anusārī. bōlē bacana binīta bicārī..
tāta kahauom kachu karauom ḍhiṭhāī. anucitu chamaba jāni larikāī..
ati laghu bāta lāgi dukhu pāvā. kāhuom na mōhi kahi prathama janāvā..
dēkhi gōsāiomhi pūomchiuom mātā. suni prasaṃgu bhaē sītala gātā..
चौपाई
dhanya janamu jagatītala tāsū. pitahi pramōdu carita suni jāsū..
cāri padāratha karatala tākēṃ. priya pitu mātu prāna sama jākēṃ..
āyasu pāli janama phalu pāī. aihauom bēgihiṃ hōu rajāī..
bidā mātu sana āvauom māgī. calihauom banahi bahuri paga lāgī..
asa kahi rāma gavanu taba kīnhā. bhūpa sōka basu utaru na dīnhā..
nagara byāpi gai bāta sutīchī. chuata caḍhaī janu saba tana bīchī..
suni bhaē bikala sakala nara nārī. bēli biṭapa jimi dēkhi davārī..
jō jahaom sunai dhunai siru sōī. baḍa biṣādu nahiṃ dhīraju hōī..
