चौपाई
मिलेहि माझ बिधि बात बेगारी। जहँ तहँ देहिं कैकेइहि गारी।।
एहि पापिनिहि बूझि का परेऊ। छाइ भवन पर पावकु धरेऊ।।
निज कर नयन काढ़ि चह दीखा। डारि सुधा बिषु चाहत चीखा।।
कुटिल कठोर कुबुद्धि अभागी। भइ रघुबंस बेनु बन आगी।।
पालव बैठि पेड़ु एहिं काटा। सुख महुँ सोक ठाटु धरि ठाटा।।
सदा रामु एहि प्रान समाना। कारन कवन कुटिलपनु ठाना।।
सत्य कहहिं कबि नारि सुभाऊ। सब बिधि अगहु अगाध दुराऊ।।
निज प्रतिबिंबु बरुकु गहि जाई। जानि न जाइ नारि गति भाई।।
दोहा/सोरठा
काह न पावकु जारि सक का न समुद्र समाइ।
का न करै अबला प्रबल केहि जग कालु न खाइ।।47।।
चौपाई
का सुनाइ बिधि काह सुनावा। का देखाइ चह काह देखावा।।
एक कहहिं भल भूप न कीन्हा। बरु बिचारि नहिं कुमतिहि दीन्हा।।
जो हठि भयउ सकल दुख भाजनु। अबला बिबस ग्यानु गुनु गा जनु।।
एक धरम परमिति पहिचाने। नृपहि दोसु नहिं देहिं सयाने।।
सिबि दधीचि हरिचंद कहानी। एक एक सन कहहिं बखानी।।
एक भरत कर संमत कहहीं। एक उदास भायँ सुनि रहहीं।।
कान मूदि कर रद गहि जीहा। एक कहहिं यह बात अलीहा।।
सुकृत जाहिं अस कहत तुम्हारे। रामु भरत कहुँ प्रानपिआरे।।
दोहा/सोरठा
चंदु चवै बरु अनल कन सुधा होइ बिषतूल।
सपनेहुँ कबहुँ न करहिं किछु भरतु राम प्रतिकूल।।48।।
चौपाई
milēhi mājha bidhi bāta bēgārī. jahaom tahaom dēhiṃ kaikēihi gārī..
ēhi pāpinihi būjhi kā parēū. chāi bhavana para pāvaku dharēū..
nija kara nayana kāḍhai caha dīkhā. ḍāri sudhā biṣu cāhata cīkhā..
kuṭila kaṭhōra kubuddhi abhāgī. bhai raghubaṃsa bēnu bana āgī..
pālava baiṭhi pēḍau ēhiṃ kāṭā. sukha mahuom sōka ṭhāṭu dhari ṭhāṭā..
sadā rāmu ēhi prāna samānā. kārana kavana kuṭilapanu ṭhānā..
satya kahahiṃ kabi nāri subhāū. saba bidhi agahu agādha durāū..
nija pratibiṃbu baruku gahi jāī. jāni na jāi nāri gati bhāī..
चौपाई
kā sunāi bidhi kāha sunāvā. kā dēkhāi caha kāha dēkhāvā..
ēka kahahiṃ bhala bhūpa na kīnhā. baru bicāri nahiṃ kumatihi dīnhā..
jō haṭhi bhayau sakala dukha bhājanu. abalā bibasa gyānu gunu gā janu..
ēka dharama paramiti pahicānē. nṛpahi dōsu nahiṃ dēhiṃ sayānē..
sibi dadhīci haricaṃda kahānī. ēka ēka sana kahahiṃ bakhānī..
ēka bharata kara saṃmata kahahīṃ. ēka udāsa bhāyaom suni rahahīṃ..
kāna mūdi kara rada gahi jīhā. ēka kahahiṃ yaha bāta alīhā..
sukṛta jāhiṃ asa kahata tumhārē. rāmu bharata kahuom prānapiārē..
