चौपाई
मोहि मग चलत न होइहि हारी। छिनु छिनु चरन सरोज निहारी।।
सबहि भाँति पिय सेवा करिहौं। मारग जनित सकल श्रम हरिहौं।।
पाय पखारी बैठि तरु छाहीं। करिहउँ बाउ मुदित मन माहीं।।
श्रम कन सहित स्याम तनु देखें। कहँ दुख समउ प्रानपति पेखें।।
सम महि तृन तरुपल्लव डासी। पाग पलोटिहि सब निसि दासी।।
बारबार मृदु मूरति जोही। लागहि तात बयारि न मोही।
को प्रभु सँग मोहि चितवनिहारा। सिंघबधुहि जिमि ससक सिआरा।।
मैं सुकुमारि नाथ बन जोगू। तुम्हहि उचित तप मो कहुँ भोगू।।
दोहा/सोरठा
ऐसेउ बचन कठोर सुनि जौं न ह्रदउ बिलगान।
तौ प्रभु बिषम बियोग दुख सहिहहिं पावँर प्रान।।67।।
चौपाई
अस कहि सीय बिकल भइ भारी। बचन बियोगु न सकी सँभारी।।
देखि दसा रघुपति जियँ जाना। हठि राखें नहिं राखिहि प्राना।।
कहेउ कृपाल भानुकुलनाथा। परिहरि सोचु चलहु बन साथा।।
नहिं बिषाद कर अवसरु आजू। बेगि करहु बन गवन समाजू।।
कहि प्रिय बचन प्रिया समुझाई। लगे मातु पद आसिष पाई।।
बेगि प्रजा दुख मेटब आई। जननी निठुर बिसरि जनि जाई।।
फिरहि दसा बिधि बहुरि कि मोरी। देखिहउँ नयन मनोहर जोरी।।
सुदिन सुघरी तात कब होइहि। जननी जिअत बदन बिधु जोइहि।।
दोहा/सोरठा
बहुरि बच्छ कहि लालु कहि रघुपति रघुबर तात।
कबहिं बोलाइ लगाइ हियँ हरषि निरखिहउँ गात।।68।।
चौपाई
mōhi maga calata na hōihi hārī. chinu chinu carana sarōja nihārī..
sabahi bhāomti piya sēvā karihauṃ. māraga janita sakala śrama harihauṃ..
pāya pakhārī baiṭhi taru chāhīṃ. karihauom bāu mudita mana māhīṃ..
śrama kana sahita syāma tanu dēkhēṃ. kahaom dukha samau prānapati pēkhēṃ..
sama mahi tṛna tarupallava ḍāsī. pāga palōṭihi saba nisi dāsī..
bārabāra mṛdu mūrati jōhī. lāgahi tāta bayāri na mōhī.
kō prabhu saomga mōhi citavanihārā. siṃghabadhuhi jimi sasaka siārā..
maiṃ sukumāri nātha bana jōgū. tumhahi ucita tapa mō kahuom bhōgū..
चौपाई
asa kahi sīya bikala bhai bhārī. bacana biyōgu na sakī saombhārī..
dēkhi dasā raghupati jiyaom jānā. haṭhi rākhēṃ nahiṃ rākhihi prānā..
kahēu kṛpāla bhānukulanāthā. parihari sōcu calahu bana sāthā..
nahiṃ biṣāda kara avasaru ājū. bēgi karahu bana gavana samājū..
kahi priya bacana priyā samujhāī. lagē mātu pada āsiṣa pāī..
bēgi prajā dukha mēṭaba āī. jananī niṭhura bisari jani jāī..
phirahi dasā bidhi bahuri ki mōrī. dēkhihauom nayana manōhara jōrī..
sudina sugharī tāta kaba hōihi. jananī jiata badana bidhu jōihi..
