चौपाई
लखि सनेह कातरि महतारी। बचनु न आव बिकल भइ भारी।।
राम प्रबोधु कीन्ह बिधि नाना। समउ सनेहु न जाइ बखाना।।
तब जानकी सासु पग लागी। सुनिअ माय मैं परम अभागी।।
सेवा समय दैअँ बनु दीन्हा। मोर मनोरथु सफल न कीन्हा।।
तजब छोभु जनि छाड़िअ छोहू। करमु कठिन कछु दोसु न मोहू।।
सुनि सिय बचन सासु अकुलानी। दसा कवनि बिधि कहौं बखानी।।
बारहि बार लाइ उर लीन्ही। धरि धीरजु सिख आसिष दीन्ही।।
अचल होउ अहिवातु तुम्हारा। जब लगि गंग जमुन जल धारा।।
दोहा/सोरठा
सीतहि सासु असीस सिख दीन्हि अनेक प्रकार।
चली नाइ पद पदुम सिरु अति हित बारहिं बार।।69।।
चौपाई
समाचार जब लछिमन पाए। ब्याकुल बिलख बदन उठि धाए।।
कंप पुलक तन नयन सनीरा। गहे चरन अति प्रेम अधीरा।।
कहि न सकत कछु चितवत ठाढ़े। मीनु दीन जनु जल तें काढ़े।।
सोचु हृदयँ बिधि का होनिहारा। सबु सुखु सुकृत सिरान हमारा।।
मो कहुँ काह कहब रघुनाथा। रखिहहिं भवन कि लेहहिं साथा।।
राम बिलोकि बंधु कर जोरें। देह गेह सब सन तृनु तोरें।।
बोले बचनु राम नय नागर। सील सनेह सरल सुख सागर।।
तात प्रेम बस जनि कदराहू। समुझि हृदयँ परिनाम उछाहू।।
दोहा/सोरठा
मातु पिता गुरु स्वामि सिख सिर धरि करहि सुभायँ।
लहेउ लाभु तिन्ह जनम कर नतरु जनमु जग जायँ।।70।।
चौपाई
lakhi sanēha kātari mahatārī. bacanu na āva bikala bhai bhārī..
rāma prabōdhu kīnha bidhi nānā. samau sanēhu na jāi bakhānā..
taba jānakī sāsu paga lāgī. sunia māya maiṃ parama abhāgī..
sēvā samaya daiaom banu dīnhā. mōra manōrathu saphala na kīnhā..
tajaba chōbhu jani chāḍaia chōhū. karamu kaṭhina kachu dōsu na mōhū..
suni siya bacana sāsu akulānī. dasā kavani bidhi kahauṃ bakhānī..
bārahi bāra lāi ura līnhī. dhari dhīraju sikha āsiṣa dīnhī..
acala hōu ahivātu tumhārā. jaba lagi gaṃga jamuna jala dhārā..
चौपाई
samācāra jaba lachimana pāē. byākula bilakha badana uṭhi dhāē..
kaṃpa pulaka tana nayana sanīrā. gahē carana ati prēma adhīrā..
kahi na sakata kachu citavata ṭhāḍhaē. mīnu dīna janu jala tēṃ kāḍhaē..
sōcu hṛdayaom bidhi kā hōnihārā. sabu sukhu sukṛta sirāna hamārā..
mō kahuom kāha kahaba raghunāthā. rakhihahiṃ bhavana ki lēhahiṃ sāthā..
rāma bilōki baṃdhu kara jōrēṃ. dēha gēha saba sana tṛnu tōrēṃ..
bōlē bacanu rāma naya nāgara. sīla sanēha sarala sukha sāgara..
tāta prēma basa jani kadarāhū. samujhi hṛdayaom parināma uchāhū..
