चौपाई
अस जियँ जानि सुनहु सिख भाई। करहु मातु पितु पद सेवकाई।।
भवन भरतु रिपुसूदन नाहीं। राउ बृद्ध मम दुखु मन माहीं।।
मैं बन जाउँ तुम्हहि लेइ साथा। होइ सबहि बिधि अवध अनाथा।।
गुरु पितु मातु प्रजा परिवारू। सब कहुँ परइ दुसह दुख भारू।।
रहहु करहु सब कर परितोषू। नतरु तात होइहि बड़ दोषू।।
जासु राज प्रिय प्रजा दुखारी। सो नृपु अवसि नरक अधिकारी।।
रहहु तात असि नीति बिचारी। सुनत लखनु भए ब्याकुल भारी।।
सिअरें बचन सूखि गए कैंसें। परसत तुहिन तामरसु जैसें।।
दोहा/सोरठा
उतरु न आवत प्रेम बस गहे चरन अकुलाइ।
नाथ दासु मैं स्वामि तुम्ह तजहु त काह बसाइ।।71।।
चौपाई
दीन्हि मोहि सिख नीकि गोसाईं। लागि अगम अपनी कदराईं।।
नरबर धीर धरम धुर धारी। निगम नीति कहुँ ते अधिकारी।।
मैं सिसु प्रभु सनेहँ प्रतिपाला। मंदरु मेरु कि लेहिं मराला।।
गुर पितु मातु न जानउँ काहू। कहउँ सुभाउ नाथ पतिआहू।।
जहँ लगि जगत सनेह सगाई। प्रीति प्रतीति निगम निजु गाई।।
मोरें सबइ एक तुम्ह स्वामी। दीनबंधु उर अंतरजामी।।
धरम नीति उपदेसिअ ताही। कीरति भूति सुगति प्रिय जाही।।
मन क्रम बचन चरन रत होई। कृपासिंधु परिहरिअ कि सोई।।
दोहा/सोरठा
करुनासिंधु सुबंध के सुनि मृदु बचन बिनीत।
समुझाए उर लाइ प्रभु जानि सनेहँ सभीत।।72।।
चौपाई
asa jiyaom jāni sunahu sikha bhāī. karahu mātu pitu pada sēvakāī..
bhavana bharatu ripusūdana nāhīṃ. rāu bṛddha mama dukhu mana māhīṃ..
maiṃ bana jāuom tumhahi lēi sāthā. hōi sabahi bidhi avadha anāthā..
guru pitu mātu prajā parivārū. saba kahuom parai dusaha dukha bhārū..
rahahu karahu saba kara paritōṣū. nataru tāta hōihi baḍa dōṣū..
jāsu rāja priya prajā dukhārī. sō nṛpu avasi naraka adhikārī..
rahahu tāta asi nīti bicārī. sunata lakhanu bhaē byākula bhārī..
siarēṃ bacana sūkhi gaē kaiṃsēṃ. parasata tuhina tāmarasu jaisēṃ..
चौपाई
dīnhi mōhi sikha nīki gōsāīṃ. lāgi agama apanī kadarāīṃ..
narabara dhīra dharama dhura dhārī. nigama nīti kahuom tē adhikārī..
maiṃ sisu prabhu sanēhaom pratipālā. maṃdaru mēru ki lēhiṃ marālā..
gura pitu mātu na jānauom kāhū. kahauom subhāu nātha patiāhū..
jahaom lagi jagata sanēha sagāī. prīti pratīti nigama niju gāī..
mōrēṃ sabai ēka tumha svāmī. dīnabaṃdhu ura aṃtarajāmī..
dharama nīti upadēsia tāhī. kīrati bhūti sugati priya jāhī..
mana krama bacana carana rata hōī. kṛpāsiṃdhu pariharia ki sōī..
