चौपाई
मागहु बिदा मातु सन जाई। आवहु बेगि चलहु बन भाई।।
मुदित भए सुनि रघुबर बानी। भयउ लाभ बड़ गइ बड़ि हानी।।
हरषित ह्दयँ मातु पहिं आए। मनहुँ अंध फिरि लोचन पाए।
जाइ जननि पग नायउ माथा। मनु रघुनंदन जानकि साथा।।
पूँछे मातु मलिन मन देखी। लखन कही सब कथा बिसेषी।।
गई सहमि सुनि बचन कठोरा। मृगी देखि दव जनु चहु ओरा।।
लखन लखेउ भा अनरथ आजू। एहिं सनेह बस करब अकाजू।।
मागत बिदा सभय सकुचाहीं। जाइ संग बिधि कहिहि कि नाही।।
दोहा/सोरठा
समुझि सुमित्राँ राम सिय रूप सुसीलु सुभाउ।
नृप सनेहु लखि धुनेउ सिरु पापिनि दीन्ह कुदाउ।।73।।
चौपाई
धीरजु धरेउ कुअवसर जानी। सहज सुह्द बोली मृदु बानी।।
तात तुम्हारि मातु बैदेही। पिता रामु सब भाँति सनेही।।
अवध तहाँ जहँ राम निवासू। तहँइँ दिवसु जहँ भानु प्रकासू।।
जौ पै सीय रामु बन जाहीं। अवध तुम्हार काजु कछु नाहिं।।
गुर पितु मातु बंधु सुर साई। सेइअहिं सकल प्रान की नाईं।।
रामु प्रानप्रिय जीवन जी के। स्वारथ रहित सखा सबही कै।।
पूजनीय प्रिय परम जहाँ तें। सब मानिअहिं राम के नातें।।
अस जियँ जानि संग बन जाहू। लेहु तात जग जीवन लाहू।।
दोहा/सोरठा
भूरि भाग भाजनु भयहु मोहि समेत बलि जाउँ।
जौम तुम्हरें मन छाड़ि छलु कीन्ह राम पद ठाउँ।।74।।
चौपाई
māgahu bidā mātu sana jāī. āvahu bēgi calahu bana bhāī..
mudita bhaē suni raghubara bānī. bhayau lābha baḍa gai baḍai hānī..
haraṣita hdayaom mātu pahiṃ āē. manahuom aṃdha phiri lōcana pāē.
jāi janani paga nāyau māthā. manu raghunaṃdana jānaki sāthā..
pūomchē mātu malina mana dēkhī. lakhana kahī saba kathā bisēṣī..
gaī sahami suni bacana kaṭhōrā. mṛgī dēkhi dava janu cahu ōrā..
lakhana lakhēu bhā anaratha ājū. ēhiṃ sanēha basa karaba akājū..
māgata bidā sabhaya sakucāhīṃ. jāi saṃga bidhi kahihi ki nāhī..
चौपाई
dhīraju dharēu kuavasara jānī. sahaja suhda bōlī mṛdu bānī..
tāta tumhāri mātu baidēhī. pitā rāmu saba bhāomti sanēhī..
avadha tahāom jahaom rāma nivāsū. tahaomiom divasu jahaom bhānu prakāsū..
jau pai sīya rāmu bana jāhīṃ. avadha tumhāra kāju kachu nāhiṃ..
gura pitu mātu baṃdhu sura sāī. sēiahiṃ sakala prāna kī nāīṃ..
rāmu prānapriya jīvana jī kē. svāratha rahita sakhā sabahī kai..
pūjanīya priya parama jahāom tēṃ. saba māniahiṃ rāma kē nātēṃ..
asa jiyaom jāni saṃga bana jāhū. lēhu tāta jaga jīvana lāhū..
