चौपाई
सकइ न बोलि बिकल नरनाहू। सोक जनित उर दारुन दाहू।।
नाइ सीसु पद अति अनुरागा। उठि रघुबीर बिदा तब मागा।।
पितु असीस आयसु मोहि दीजै। हरष समय बिसमउ कत कीजै।।
तात किएँ प्रिय प्रेम प्रमादू। जसु जग जाइ होइ अपबादू।।
सुनि सनेह बस उठि नरनाहाँ। बैठारे रघुपति गहि बाहाँ।।
सुनहु तात तुम्ह कहुँ मुनि कहहीं। रामु चराचर नायक अहहीं।।
सुभ अरु असुभ करम अनुहारी। ईस देइ फलु ह्दयँ बिचारी।।
करइ जो करम पाव फल सोई। निगम नीति असि कह सबु कोई।।
दोहा/सोरठा
औरु करै अपराधु कोउ और पाव फल भोगु।
अति बिचित्र भगवंत गति को जग जानै जोगु।।77।।
चौपाई
रायँ राम राखन हित लागी। बहुत उपाय किए छलु त्यागी।।
लखी राम रुख रहत न जाने। धरम धुरंधर धीर सयाने।।
तब नृप सीय लाइ उर लीन्ही। अति हित बहुत भाँति सिख दीन्ही।।
कहि बन के दुख दुसह सुनाए। सासु ससुर पितु सुख समुझाए।।
सिय मनु राम चरन अनुरागा। घरु न सुगमु बनु बिषमु न लागा।।
औरउ सबहिं सीय समुझाई। कहि कहि बिपिन बिपति अधिकाई।।
सचिव नारि गुर नारि सयानी। सहित सनेह कहहिं मृदु बानी।।
तुम्ह कहुँ तौ न दीन्ह बनबासू। करहु जो कहहिं ससुर गुर सासू।।
दोहा/सोरठा
-सिख सीतलि हित मधुर मृदु सुनि सीतहि न सोहानि।
सरद चंद चंदनि लगत जनु चकई अकुलानि।।78।।
चौपाई
sakai na bōli bikala naranāhū. sōka janita ura dāruna dāhū..
nāi sīsu pada ati anurāgā. uṭhi raghubīra bidā taba māgā..
pitu asīsa āyasu mōhi dījai. haraṣa samaya bisamau kata kījai..
tāta kiēom priya prēma pramādū. jasu jaga jāi hōi apabādū..
suni sanēha basa uṭhi naranāhāom. baiṭhārē raghupati gahi bāhāom..
sunahu tāta tumha kahuom muni kahahīṃ. rāmu carācara nāyaka ahahīṃ..
subha aru asubha karama anuhārī. īsa dēi phalu hdayaom bicārī..
karai jō karama pāva phala sōī. nigama nīti asi kaha sabu kōī..
चौपाई
rāyaom rāma rākhana hita lāgī. bahuta upāya kiē chalu tyāgī..
lakhī rāma rukha rahata na jānē. dharama dhuraṃdhara dhīra sayānē..
taba nṛpa sīya lāi ura līnhī. ati hita bahuta bhāomti sikha dīnhī..
kahi bana kē dukha dusaha sunāē. sāsu sasura pitu sukha samujhāē..
siya manu rāma carana anurāgā. gharu na sugamu banu biṣamu na lāgā..
aurau sabahiṃ sīya samujhāī. kahi kahi bipina bipati adhikāī..
saciva nāri gura nāri sayānī. sahita sanēha kahahiṃ mṛdu bānī..
tumha kahuom tau na dīnha banabāsū. karahu jō kahahiṃ sasura gura sāsū..
