चौपाई
सीय सकुच बस उतरु न देई। सो सुनि तमकि उठी कैकेई।।
मुनि पट भूषन भाजन आनी। आगें धरि बोली मृदु बानी।।
नृपहि प्रान प्रिय तुम्ह रघुबीरा। सील सनेह न छाड़िहि भीरा।।
सुकृत सुजसु परलोकु नसाऊ। तुम्हहि जान बन कहिहि न काऊ।।
अस बिचारि सोइ करहु जो भावा। राम जननि सिख सुनि सुखु पावा।।
भूपहि बचन बानसम लागे। करहिं न प्रान पयान अभागे।।
लोग बिकल मुरुछित नरनाहू। काह करिअ कछु सूझ न काहू।।
रामु तुरत मुनि बेषु बनाई। चले जनक जननिहि सिरु नाई।।
दोहा/सोरठा
सजि बन साजु समाजु सबु बनिता बंधु समेत।
बंदि बिप्र गुर चरन प्रभु चले करि सबहि अचेत।।79।।
चौपाई
निकसि बसिष्ठ द्वार भए ठाढ़े। देखे लोग बिरह दव दाढ़े।।
कहि प्रिय बचन सकल समुझाए। बिप्र बृंद रघुबीर बोलाए।।
गुर सन कहि बरषासन दीन्हे। आदर दान बिनय बस कीन्हे।।
जाचक दान मान संतोषे। मीत पुनीत प्रेम परितोषे।।
दासीं दास बोलाइ बहोरी। गुरहि सौंपि बोले कर जोरी।।
सब कै सार सँभार गोसाईं। करबि जनक जननी की नाई।।
बारहिं बार जोरि जुग पानी। कहत रामु सब सन मृदु बानी।।
सोइ सब भाँति मोर हितकारी। जेहि तें रहै भुआल सुखारी।।
दोहा/सोरठा
मातु सकल मोरे बिरहँ जेहिं न होहिं दुख दीन।
सोइ उपाउ तुम्ह करेहु सब पुर जन परम प्रबीन।।80।।
चौपाई
sīya sakuca basa utaru na dēī. sō suni tamaki uṭhī kaikēī..
muni paṭa bhūṣana bhājana ānī. āgēṃ dhari bōlī mṛdu bānī..
nṛpahi prāna priya tumha raghubīrā. sīla sanēha na chāḍaihi bhīrā..
sukṛta sujasu paralōku nasāū. tumhahi jāna bana kahihi na kāū..
asa bicāri sōi karahu jō bhāvā. rāma janani sikha suni sukhu pāvā..
bhūpahi bacana bānasama lāgē. karahiṃ na prāna payāna abhāgē..
lōga bikala muruchita naranāhū. kāha karia kachu sūjha na kāhū..
rāmu turata muni bēṣu banāī. calē janaka jananihi siru nāī..
चौपाई
nikasi basiṣṭha dvāra bhaē ṭhāḍhaē. dēkhē lōga biraha dava dāḍhaē..
kahi priya bacana sakala samujhāē. bipra bṛṃda raghubīra bōlāē..
gura sana kahi baraṣāsana dīnhē. ādara dāna binaya basa kīnhē..
jācaka dāna māna saṃtōṣē. mīta punīta prēma paritōṣē..
dāsīṃ dāsa bōlāi bahōrī. gurahi sauṃpi bōlē kara jōrī..
saba kai sāra saombhāra gōsāīṃ. karabi janaka jananī kī nāī..
bārahiṃ bāra jōri juga pānī. kahata rāmu saba sana mṛdu bānī..
sōi saba bhāomti mōra hitakārī. jēhi tēṃ rahai bhuāla sukhārī..
