चौपाई
जो मुनीस जेहि आयसु दीन्हा। सो तेहिं काजु प्रथम जनु कीन्हा।।
बिप्र साधु सुर पूजत राजा। करत राम हित मंगल काजा।।
सुनत राम अभिषेक सुहावा। बाज गहागह अवध बधावा।।
राम सीय तन सगुन जनाए। फरकहिं मंगल अंग सुहाए।।
पुलकि सप्रेम परसपर कहहीं। भरत आगमनु सूचक अहहीं।।
भए बहुत दिन अति अवसेरी। सगुन प्रतीति भेंट प्रिय केरी।।
भरत सरिस प्रिय को जग माहीं। इहइ सगुन फलु दूसर नाहीं।।
रामहि बंधु सोच दिन राती। अंडन्हि कमठ ह्रदउ जेहि भाँती।।
दोहा/सोरठा
एहि अवसर मंगलु परम सुनि रहँसेउ रनिवासु।
सोभत लखि बिधु बढ़त जनु बारिधि बीचि बिलासु।।7।।
चौपाई
प्रथम जाइ जिन्ह बचन सुनाए। भूषन बसन भूरि तिन्ह पाए।।
प्रेम पुलकि तन मन अनुरागीं। मंगल कलस सजन सब लागीं।।
चौकें चारु सुमित्राँ पुरी। मनिमय बिबिध भाँति अति रुरी।।
आनँद मगन राम महतारी। दिए दान बहु बिप्र हँकारी।।
पूजीं ग्रामदेबि सुर नागा। कहेउ बहोरि देन बलिभागा।।
जेहि बिधि होइ राम कल्यानू। देहु दया करि सो बरदानू।।
गावहिं मंगल कोकिलबयनीं। बिधुबदनीं मृगसावकनयनीं।।
दोहा/सोरठा
राम राज अभिषेकु सुनि हियँ हरषे नर नारि।
लगे सुमंगल सजन सब बिधि अनुकूल बिचारि।।8।।
चौपाई
jō munīsa jēhi āyasu dīnhā. sō tēhiṃ kāju prathama janu kīnhā..
bipra sādhu sura pūjata rājā. karata rāma hita maṃgala kājā..
sunata rāma abhiṣēka suhāvā. bāja gahāgaha avadha badhāvā..
rāma sīya tana saguna janāē. pharakahiṃ maṃgala aṃga suhāē..
pulaki saprēma parasapara kahahīṃ. bharata āgamanu sūcaka ahahīṃ..
bhaē bahuta dina ati avasērī. saguna pratīti bhēṃṭa priya kērī..
bharata sarisa priya kō jaga māhīṃ. ihai saguna phalu dūsara nāhīṃ..
rāmahi baṃdhu sōca dina rātī. aṃḍanhi kamaṭha hradau jēhi bhāomtī..
चौपाई
prathama jāi jinha bacana sunāē. bhūṣana basana bhūri tinha pāē..
prēma pulaki tana mana anurāgīṃ. maṃgala kalasa sajana saba lāgīṃ..
caukēṃ cāru sumitrāom purī. manimaya bibidha bhāomti ati rurī..
ānaomda magana rāma mahatārī. diē dāna bahu bipra haomkārī..
pūjīṃ grāmadēbi sura nāgā. kahēu bahōri dēna balibhāgā..
jēhi bidhi hōi rāma kalyānū. dēhu dayā kari sō baradānū..
gāvahiṃ maṃgala kōkilabayanīṃ. bidhubadanīṃ mṛgasāvakanayanīṃ..
