चौपाई
तब नरनाहँ बसिष्ठु बोलाए। रामधाम सिख देन पठाए।।
गुर आगमनु सुनत रघुनाथा। द्वार आइ पद नायउ माथा।।
सादर अरघ देइ घर आने। सोरह भाँति पूजि सनमाने।।
गहे चरन सिय सहित बहोरी। बोले रामु कमल कर जोरी।।
सेवक सदन स्वामि आगमनू। मंगल मूल अमंगल दमनू।।
तदपि उचित जनु बोलि सप्रीती। पठइअ काज नाथ असि नीती।।
प्रभुता तजि प्रभु कीन्ह सनेहू। भयउ पुनीत आजु यहु गेहू।।
आयसु होइ सो करौं गोसाई। सेवक लहइ स्वामि सेवकाई।।
दोहा/सोरठा
सुनि सनेह साने बचन मुनि रघुबरहि प्रसंस।
राम कस न तुम्ह कहहु अस हंस बंस अवतंस।।9।।
चौपाई
बरनि राम गुन सीलु सुभाऊ। बोले प्रेम पुलकि मुनिराऊ।।
भूप सजेउ अभिषेक समाजू। चाहत देन तुम्हहि जुबराजू।।
राम करहु सब संजम आजू। जौं बिधि कुसल निबाहै काजू।।
गुरु सिख देइ राय पहिं गयउ। राम हृदयँ अस बिसमउ भयऊ।।
जनमे एक संग सब भाई। भोजन सयन केलि लरिकाई।।
करनबेध उपबीत बिआहा। संग संग सब भए उछाहा।।
बिमल बंस यहु अनुचित एकू। बंधु बिहाइ बड़ेहि अभिषेकू।।
प्रभु सप्रेम पछितानि सुहाई। हरउ भगत मन कै कुटिलाई।।
दोहा/सोरठा
तेहि अवसर आए लखन मगन प्रेम आनंद।
सनमाने प्रिय बचन कहि रघुकुल कैरव चंद।।10।।
चौपाई
taba naranāhaom basiṣṭhu bōlāē. rāmadhāma sikha dēna paṭhāē..
gura āgamanu sunata raghunāthā. dvāra āi pada nāyau māthā..
sādara aragha dēi ghara ānē. sōraha bhāomti pūji sanamānē..
gahē carana siya sahita bahōrī. bōlē rāmu kamala kara jōrī..
sēvaka sadana svāmi āgamanū. maṃgala mūla amaṃgala damanū..
tadapi ucita janu bōli saprītī. paṭhaia kāja nātha asi nītī..
prabhutā taji prabhu kīnha sanēhū. bhayau punīta āju yahu gēhū..
āyasu hōi sō karauṃ gōsāī. sēvaka lahai svāmi sēvakāī..
चौपाई
barani rāma guna sīlu subhāū. bōlē prēma pulaki munirāū..
bhūpa sajēu abhiṣēka samājū. cāhata dēna tumhahi jubarājū..
rāma karahu saba saṃjama ājū. jauṃ bidhi kusala nibāhai kājū..
guru sikha dēi rāya pahiṃ gayau. rāma hṛdayaom asa bisamau bhayaū..
janamē ēka saṃga saba bhāī. bhōjana sayana kēli larikāī..
karanabēdha upabīta biāhā. saṃga saṃga saba bhaē uchāhā..
bimala baṃsa yahu anucita ēkū. baṃdhu bihāi baḍaēhi abhiṣēkū..
prabhu saprēma pachitāni suhāī. harau bhagata mana kai kuṭilāī..
