चौपाई
एहि बिधि राम सबहि समुझावा। गुर पद पदुम हरषि सिरु नावा।
गनपती गौरि गिरीसु मनाई। चले असीस पाइ रघुराई।।
राम चलत अति भयउ बिषादू। सुनि न जाइ पुर आरत नादू।।
कुसगुन लंक अवध अति सोकू। हहरष बिषाद बिबस सुरलोकू।।
गइ मुरुछा तब भूपति जागे। बोलि सुमंत्रु कहन अस लागे।।
रामु चले बन प्रान न जाहीं। केहि सुख लागि रहत तन माहीं।
एहि तें कवन ब्यथा बलवाना। जो दुखु पाइ तजहिं तनु प्राना।।
पुनि धरि धीर कहइ नरनाहू। लै रथु संग सखा तुम्ह जाहू।।
दोहा/सोरठा
-सुठि सुकुमार कुमार दोउ जनकसुता सुकुमारि।
रथ चढ़ाइ देखराइ बनु फिरेहु गएँ दिन चारि।।81।।
चौपाई
जौ नहिं फिरहिं धीर दोउ भाई। सत्यसंध दृढ़ब्रत रघुराई।।
तौ तुम्ह बिनय करेहु कर जोरी। फेरिअ प्रभु मिथिलेसकिसोरी।।
जब सिय कानन देखि डेराई। कहेहु मोरि सिख अवसरु पाई।।
सासु ससुर अस कहेउ सँदेसू। पुत्रि फिरिअ बन बहुत कलेसू।।
पितृगृह कबहुँ कबहुँ ससुरारी। रहेहु जहाँ रुचि होइ तुम्हारी।।
एहि बिधि करेहु उपाय कदंबा। फिरइ त होइ प्रान अवलंबा।।
नाहिं त मोर मरनु परिनामा। कछु न बसाइ भएँ बिधि बामा।।
अस कहि मुरुछि परा महि राऊ। रामु लखनु सिय आनि देखाऊ।।
दोहा/सोरठा
-पाइ रजायसु नाइ सिरु रथु अति बेग बनाइ।
गयउ जहाँ बाहेर नगर सीय सहित दोउ भाइ।।82।।
चौपाई
ēhi bidhi rāma sabahi samujhāvā. gura pada paduma haraṣi siru nāvā.
ganapatī gauri girīsu manāī. calē asīsa pāi raghurāī..
rāma calata ati bhayau biṣādū. suni na jāi pura ārata nādū..
kusaguna laṃka avadha ati sōkū. haharaṣa biṣāda bibasa suralōkū..
gai muruchā taba bhūpati jāgē. bōli sumaṃtru kahana asa lāgē..
rāmu calē bana prāna na jāhīṃ. kēhi sukha lāgi rahata tana māhīṃ.
ēhi tēṃ kavana byathā balavānā. jō dukhu pāi tajahiṃ tanu prānā..
puni dhari dhīra kahai naranāhū. lai rathu saṃga sakhā tumha jāhū..
चौपाई
jau nahiṃ phirahiṃ dhīra dōu bhāī. satyasaṃdha dṛḍhabrata raghurāī..
tau tumha binaya karēhu kara jōrī. phēria prabhu mithilēsakisōrī..
jaba siya kānana dēkhi ḍērāī. kahēhu mōri sikha avasaru pāī..
sāsu sasura asa kahēu saomdēsū. putri phiria bana bahuta kalēsū..
pitṛgṛha kabahuom kabahuom sasurārī. rahēhu jahāom ruci hōi tumhārī..
ēhi bidhi karēhu upāya kadaṃbā. phirai ta hōi prāna avalaṃbā..
nāhiṃ ta mōra maranu parināmā. kachu na basāi bhaēom bidhi bāmā..
asa kahi muruchi parā mahi rāū. rāmu lakhanu siya āni dēkhāū..
