चौपाई
तब सुमंत्र नृप बचन सुनाए। करि बिनती रथ रामु चढ़ाए।।
चढ़ि रथ सीय सहित दोउ भाई। चले हृदयँ अवधहि सिरु नाई।।
चलत रामु लखि अवध अनाथा। बिकल लोग सब लागे साथा।।
कृपासिंधु बहुबिधि समुझावहिं। फिरहिं प्रेम बस पुनि फिरि आवहिं।।
लागति अवध भयावनि भारी। मानहुँ कालराति अँधिआरी।।
घोर जंतु सम पुर नर नारी। डरपहिं एकहि एक निहारी।।
घर मसान परिजन जनु भूता। सुत हित मीत मनहुँ जमदूता।।
बागन्ह बिटप बेलि कुम्हिलाहीं। सरित सरोवर देखि न जाहीं।।
दोहा/सोरठा
हय गय कोटिन्ह केलिमृग पुरपसु चातक मोर।
पिक रथांग सुक सारिका सारस हंस चकोर।।83।।
चौपाई
राम बियोग बिकल सब ठाढ़े। जहँ तहँ मनहुँ चित्र लिखि काढ़े।।
नगरु सफल बनु गहबर भारी। खग मृग बिपुल सकल नर नारी।।
बिधि कैकेई किरातिनि कीन्ही। जेंहि दव दुसह दसहुँ दिसि दीन्ही।।
सहि न सके रघुबर बिरहागी। चले लोग सब ब्याकुल भागी।।
सबहिं बिचार कीन्ह मन माहीं। राम लखन सिय बिनु सुखु नाहीं।।
जहाँ रामु तहँ सबुइ समाजू। बिनु रघुबीर अवध नहिं काजू।।
चले साथ अस मंत्रु दृढ़ाई। सुर दुर्लभ सुख सदन बिहाई।।
राम चरन पंकज प्रिय जिन्हही। बिषय भोग बस करहिं कि तिन्हही।।
दोहा/सोरठा
बालक बृद्ध बिहाइ गृँह लगे लोग सब साथ।
तमसा तीर निवासु किय प्रथम दिवस रघुनाथ।।84।।
चौपाई
taba sumaṃtra nṛpa bacana sunāē. kari binatī ratha rāmu caḍhaāē..
caḍhai ratha sīya sahita dōu bhāī. calē hṛdayaom avadhahi siru nāī..
calata rāmu lakhi avadha anāthā. bikala lōga saba lāgē sāthā..
kṛpāsiṃdhu bahubidhi samujhāvahiṃ. phirahiṃ prēma basa puni phiri āvahiṃ..
lāgati avadha bhayāvani bhārī. mānahuom kālarāti aomdhiārī..
ghōra jaṃtu sama pura nara nārī. ḍarapahiṃ ēkahi ēka nihārī..
ghara masāna parijana janu bhūtā. suta hita mīta manahuom jamadūtā..
bāganha biṭapa bēli kumhilāhīṃ. sarita sarōvara dēkhi na jāhīṃ..
चौपाई
rāma biyōga bikala saba ṭhāḍhaē. jahaom tahaom manahuom citra likhi kāḍhaē..
nagaru saphala banu gahabara bhārī. khaga mṛga bipula sakala nara nārī..
bidhi kaikēī kirātini kīnhī. jēṃhi dava dusaha dasahuom disi dīnhī..
sahi na sakē raghubara birahāgī. calē lōga saba byākula bhāgī..
sabahiṃ bicāra kīnha mana māhīṃ. rāma lakhana siya binu sukhu nāhīṃ..
jahāom rāmu tahaom sabui samājū. binu raghubīra avadha nahiṃ kājū..
calē sātha asa maṃtru dṛḍhaāī. sura durlabha sukha sadana bihāī..
rāma carana paṃkaja priya jinhahī. biṣaya bhōga basa karahiṃ ki tinhahī..
