चौपाई
रघुपति प्रजा प्रेमबस देखी। सदय हृदयँ दुखु भयउ बिसेषी।।
करुनामय रघुनाथ गोसाँई। बेगि पाइअहिं पीर पराई।।
कहि सप्रेम मृदु बचन सुहाए। बहुबिधि राम लोग समुझाए।।
किए धरम उपदेस घनेरे। लोग प्रेम बस फिरहिं न फेरे।।
सीलु सनेहु छाड़ि नहिं जाई। असमंजस बस भे रघुराई।।
लोग सोग श्रम बस गए सोई। कछुक देवमायाँ मति मोई।।
जबहिं जाम जुग जामिनि बीती। राम सचिव सन कहेउ सप्रीती।।
खोज मारि रथु हाँकहु ताता। आन उपायँ बनिहि नहिं बाता।।
दोहा/सोरठा
राम लखन सुय जान चढ़ि संभु चरन सिरु नाइ।।
सचिवँ चलायउ तुरत रथु इत उत खोज दुराइ।।85।।
चौपाई
जागे सकल लोग भएँ भोरू। गे रघुनाथ भयउ अति सोरू।।
रथ कर खोज कतहहुँ नहिं पावहिं। राम राम कहि चहु दिसि धावहिं।।
मनहुँ बारिनिधि बूड़ जहाजू। भयउ बिकल बड़ बनिक समाजू।।
एकहि एक देंहिं उपदेसू। तजे राम हम जानि कलेसू।।
निंदहिं आपु सराहहिं मीना। धिग जीवनु रघुबीर बिहीना।।
जौं पै प्रिय बियोगु बिधि कीन्हा। तौ कस मरनु न मागें दीन्हा।।
एहि बिधि करत प्रलाप कलापा। आए अवध भरे परितापा।।
बिषम बियोगु न जाइ बखाना। अवधि आस सब राखहिं प्राना।।
दोहा/सोरठा
राम दरस हित नेम ब्रत लगे करन नर नारि।
मनहुँ कोक कोकी कमल दीन बिहीन तमारि।।86।।
चौपाई
raghupati prajā prēmabasa dēkhī. sadaya hṛdayaom dukhu bhayau bisēṣī..
karunāmaya raghunātha gōsāomī. bēgi pāiahiṃ pīra parāī..
kahi saprēma mṛdu bacana suhāē. bahubidhi rāma lōga samujhāē..
kiē dharama upadēsa ghanērē. lōga prēma basa phirahiṃ na phērē..
sīlu sanēhu chāḍai nahiṃ jāī. asamaṃjasa basa bhē raghurāī..
lōga sōga śrama basa gaē sōī. kachuka dēvamāyāom mati mōī..
jabahiṃ jāma juga jāmini bītī. rāma saciva sana kahēu saprītī..
khōja māri rathu hāomkahu tātā. āna upāyaom banihi nahiṃ bātā..
चौपाई
jāgē sakala lōga bhaēom bhōrū. gē raghunātha bhayau ati sōrū..
ratha kara khōja katahahuom nahiṃ pāvahiṃ. rāma rāma kahi cahu disi dhāvahiṃ..
manahuom bārinidhi būḍa jahājū. bhayau bikala baḍa banika samājū..
ēkahi ēka dēṃhiṃ upadēsū. tajē rāma hama jāni kalēsū..
niṃdahiṃ āpu sarāhahiṃ mīnā. dhiga jīvanu raghubīra bihīnā..
jauṃ pai priya biyōgu bidhi kīnhā. tau kasa maranu na māgēṃ dīnhā..
ēhi bidhi karata pralāpa kalāpā. āē avadha bharē paritāpā..
biṣama biyōgu na jāi bakhānā. avadhi āsa saba rākhahiṃ prānā..
